საქართველოს პარლამენტის რეგლამენტში ცვლილების შეტანის თაობაზე

საქართველოს პარლამენტის დადგენილება

საქართველოს პარლამენტი ადგენს:

1. საქართველოს პარლამენტის რეგლამენტის (პარლამენტის უწყებანი, №13-14, 8.04.1998) მე-7 მუხლის პირველი პუნქტი ჩამოყალიბდეს შემდეგი რედაქციით:

"1. სხდომის პრეზიდიუმში ადგილს იკავებს პარლამენტის თავმჯდომარე, ხოლო 61-ე მუხლის პირველი პუნქტით გათვალისწინებულ შემთხვევებში – აგრეთვე მისი ერთ-ერთი მოადგილე, სხდომის პრეზიდიუმის ცენტრში ადგილს იკავებს სხდომის თავმჯდომარე.".

2. ეს დადგენილება ამოქმედდეს გამოქვეყნებისთანავე.

საქართველოს პარლამენტის

თავმჯდომარის ზ. ჟვანია

თბილისი,

2000 წლის 10 ოქტომბერი

№534 – Iს