საქართველოს პრეზიდენტის
ბრძანებულება №483
2002 წლის 18 ნოემბერი
ქ. თბილისი
საჯარო სამართლის იურიდიული პირის – ვალერიან მელქაძის სახელობის სოციალურ-ეკონომიკური და რეგიონული პრობლემების სამეცნიერო-კვლევითი ინსტიტუტის შექმნის შესახებ
„საჯარო სამართლის იურიდიული პირის შესახებ“ საქართველოს კანონის მე-5 მუხლის შესაბამისად:
1. საქართველოს ეკონომიკის, მრეწველობისა და ვაჭრობის სამინისტროს დაქვემდებარებაში არსებული ვალერიან მელქაძის სახელობის ეკონომიკური და სოციალური პრობლემების სამეცნიერო-კვლევითი ინსტიტუტის ბაზაზე შეიქმნას საჯარო სამართლის იურიდიული პირი – ვალერიან მელქაძის სახელობის სოციალურ-ეკონომიკური და რეგიონული პრობლემების სამეცნიერო-კვლევითი ინსტიტუტი.
2. (ძალადაკარგულია - 30.09.04 №429).
საქართველოს პრეზიდენტის 2004 წლის 30 სექტემბრის ბრძანებულება №429 - სსმ III, №109, 04.10.2004 წ., მუხ.953
3. საჯარო სამართლის იურიდიული პირის – ეკონომიკის კვლევითი ინსტიტუტის საქმიანობის სახელმწიფო კონტროლი განახორციელოს საქართველოს ეკონომიკური განვითარების სამინისტრომ.
საქართველოს პრეზიდენტის 2004 წლის 30 სექტემბრის ბრძანებულება №429 - სსმ III, №109, 04.10.2004 წ., მუხ.953
4. საქართველოს სახელმწიფო ქონების მართვის სამინისტრომ საჯარო სამართლის იურიდიულ პირს – ვალერიან მელქაძის სახელობის სოციალურ-ეკონომიკური და რეგიონული პრობლემების სამეცნიერო-კვლევით ინსტიტუტს გადასცეს სახელმწიფო ქონება საქართველოს სამოქალაქო კოდექსის შესაბამისად დადგენილი უსასყიდლო უზუფრუქტის ხელშეკრულებით.
5. საქართველოს ეკონომიკური განვითარების სამინისტრომ ერთ თვეში უზრუნველყოს საჯარო სამართლის იურიდიული პირის – ეკონომიკის კვლევითი ინსტიტუტის დებულების დამტკიცება კანონმდებლობით დადგენილი წესით.
საქართველოს პრეზიდენტის 2004 წლის 30 სექტემბრის ბრძანებულება №429 - სსმ III, №109, 04.10.2004 წ., მუხ.953
ე. შევარდნაძე
შეტანილი ცვლილებები:
1. საქართველოს პრეზიდენტის 2004 წლის 30 სექტემბრის ბრძანებულება №429 - სსმ III, №109, 04.10.2004 წ., მუხ.953
2. ძალადაკარგულია - საქართველოს პრეზიდენტის 2006 წლის 27 ნოემბრის ბრძანებულება №705 - სსმ III, №159, 27.11.2006 წ., მუხ.2180
საჯარო სამართლის იურიდიული პირის – ვალერიან მელქაძის სახელობის სოციალურ-ეკონომიკური და რეგიონული პრობლემების სამეცნიერო-კვლევითი ინსტიტუტის წესდება
(ძალადაკარგულია)
საქართველოს პრეზიდენტის 2004 წლის 30 სექტემბრის ბრძანებულება №429 - სსმ III, №109, 04.10.2004 წ., მუხ.953