საჯარო სამართლის იურიდიული პირის – ფერმერთა საინფორმაციო-საკონსულტაციო მომსახურების ცენტრის შექმნის შესახებ

საჯარო სამართლის იურიდიული პირის – ფერმერთა საინფორმაციო-საკონსულტაციო მომსახურების ცენტრის შექმნის შესახებ

საქართველოს პრეზიდენტის

ბრძანებულება №348

2002 წლის 26 ივლისი

ქ. თბილისი

საჯარო სამართლის იურიდიული პირის – ფერმერთა საინფორმაციო-საკონსულტაციო მომსახურების ცენტრის შექმნის შესახებ

ევროკომისიის სასურსათო უსაფრთხოების პროგრამის რეკომენდაციების შესრულებისა და საქართველოში ფერმერთა საინფორმაციო-საკონსულტაციო მომსახურების განვითარების მიზნით:

1. შეიქმნას საჯარო სამართლის იურიდიული პირი – ფერმერთა საინფორმაციო-საკონსულტაციო მომსახურების ცენტრი.

2. ფერმერთა საინფორმაციო-საკონსულტაციო მომსახურების ცენტრმა განახორციელოს „გლეხთა (ფერმერთა) სწავლება-კონსულ­ტირების სისტემის შექმნა“ სახელმწიფო მიზნობრივი პროგ­რამის მართვა.

3. საქართველოს სოფლის მეურნეობისა და სურსათის სამინისტრომ (დ. კირვალიძე) უზრუნველყოს საჯარო სამართლის იურიდიული პირის – ფერმერთა საინფორმაციო-საკონსულტაციო მომსახურების ცენტრის წესდების დამტკიცება.

4. ფერმერთა საინფორმაციო-საკონსულტაციო მომსახურების ცენტრის სახელმწიფო კონტროლის ფორმა და ფარგლები განისაზღვროს მისი წესდებით. ფერმერთა საინფორმაციო-საკონსულტაციო მომსახურების ცენტრის სახელმწიფო კონტროლი განახორციელოს საქართველოს სოფლის მეურნეობისა და სურსათის სამინისტრომ.

5. ფერმერთა   საინფორმაციო-საკონსულტაციო    მომსახურების ცენტრის დირექტორი დაინიშნოს საქართველოს სოფლის მეურნეობისა და სურსათის მინისტრის ბრძანებით.

ე. შევარდნაძე

შეტანილი ცვლილებები:

1. საქართველოს პრეზიდენტის 2003 წლის 22 აპრილის ბრძანებულება №153 - სსმ III, №37, 29.04.2003 წ., მუხ.321

2. ძალადაკარგულია - საქართველოს პრეზიდენტის 2005 წლის 29 აგვისტოს ბრძანებულება № 725- სსმ III, №101, 29.08.2005 წ., მუხ.1128