საქართველოს პრეზიდენტის
ბრძანებულება №673
1998 წლის 2 დეკემბერი
ქ.თბილისი
საქართველოს პრეზიდენტის 1998 წლის 12 იანვრის №17 ბრძანებულებაში დამატების შეტანის შესახებ
საგზაო ფონდის გადასახადების ამოღების მექანიზმის სრულყოფის მიზნით „საგზაო ფონდის გადასახადების აკრეფის, შემოსავლების აღრიცხვის, კონტროლისა და მიზნობრივი გამოყენების შესახებ დებულების დამტკიცების თაობაზე“ საქართველოს პრეზიდენტის 1998 წლის 12 იანვრის №17 ბრძანებულებას დაემატოს შემდეგი შინაარსის მე-8 პუნქტი:
„8. საქართველოს ტრანსპორტის სამინისტრომ (მ. ადეიშვილი) არ დაუშვას საავტომობილო ტრანსპორტის დეპარტამენტის ტერიტორიული ორგანოების მიერ სატრანსპორტო საგზაო ბარათის ბლანკების მორიგი ოდენობის გაცემა სატრანსპორტო საშუალებების მფლობელებზე საავტომობილო გზებით სარგებლობისათვის გადასახადის გადახდის დამადასტურებელი დოკუმენტის წარდგენის გარეშე.“.
ე. შევარდნაძე