საქართველოს პრეზიდენტის
ბრძანებულება №573
2003 წლის 18 ნოემბერი
ქ. თბილისი
შპს „საქართველოს რკინიგზის“ ძირითადი ფონდების გადაფასების შესახებ
საქართველოს ეროვნული მეურნეობის წამყვან დარგ საქართველოს რკინიგზაში შეიმჩნევა მკვეთრი განსხვავება ძირითადი ფონდების ნარჩენ ღირებულებასა და საბაზრო ფასს შორის, პროდუქციის (სამუშაოების მომსახურების) თვითღირებულება მნიშვნელოვნად სცილდება საწარმოს ფინანსურ შედეგებს, რაც თავის მხრივ ართულებს ნორმალური საინვესტიციო პოლიტიკის წარმართვას.
სახელმწიფო მხარდაჭერის გზით საკითხის დარეგულირების მიზნით:
1. 100-პროცენტიანი სახელმწიფო წილით დაფუძნებულ შპს „საქართველოს რკინიგზაში“ 2003 წლის განმავლობაში განხორციელდეს ძირითადი ფონდების გადაფასება ამა წლის 1 ნოემბრის მდგომარეობით, რათა ამ ფონდების საბალანსო ნარჩენი ღირებულება შეესაბამებოდეს საბაზრო ფასებისა და აღწარმოების პირობებს.
2. აღნიშნული გადაფასება განხორცილდეს „საქართველოს ეროვნული მეურნეობის ძირითადი ფონდების გადაფასების შესახებ“ საქართველოს სტატისტიკის სახელმწიფო დეპარტამენტის 1997 წლის 18 ივლისის №79 ბრძანებით დამტკიცებული ინსტრუქციის შესაბამისად და შედეგები აისახოს შპს „საქართველოს რკინიგზის“ საბუღალტრო აღრიცხვასა და ანგარიშგებაში 2003 წლის 31 დეკემბრის მდგომარეობით.
3. საქართველოს ეკონომიკის, მრეწველობისა და ვაჭრობის სამინისტრომ (გ.გაჩეჩილაძე) საქართველოს ფინანსთა სამინისტროსთან ერთად შეისწავლოს საგადასახადო ეფექტიანობის მისაღწევად შპს „საქართველოს რკინიგზის“ ძირითადი ფონდების გადაფასების შედეგად მოსალოდნელი საფინანსო-ეკონომიკური შედეგები და ასეთი გადაფასებისათვის საკმარისი დადებითი არგუმენტების შემთხვევაში მოქმედი კანონმდებლობის შესაბამისად წარმოადგინოს საქართველოს კანონის პროექტი „საქართველოს საგადასახადო კოდექსში ცვლილებებისა და დამატებების შეტანის შესახებ“.
ე. შევარდნაძე
შეტანილი ცვლილებები:
1. ძალადაკარგულია-საქართველოს პრეზიდენტის 2006 წლის 27 სექტემბრის ბრძანებულება №571- სსმIII,№133,29.09.2006წ.,მუხ.1788