საქართველოს პრეზიდენტის
ბრძანებულება №21
2000 წლის 27 იანვარი
ქ. თბილისი
ადგილობრივი მმართველობის ტექნიკური აღრიცხვის ტერიტორიული სამსახურების სამართლებრივი სტატუსის განსაზღვრის შესახებ
„მიწის რეგისტრაციის შესახებ“ საქართველოს კანონში დამატებების შეტანის თაობაზე“ საქართველოს კანონის შესრულების, ტექნიკური აღრიცხვის ტერიტორიული სამსახურების შემდგომი სრულყოფის მიზნით, „საჯარო სამართლის იურიდიული პირის შესახებ“ საქართველოს კანონის მოთხოვნათა საფუძველზე:
1. ადგილობრივი მმართველობის ტექნიკური აღრიცხვის ტერიტორიული სამსახურები გარდაიქმნან საჯარო სამართლის იურიდიულ პირებად.
2. ტექნიკური აღრიცხვის ტერიტორიული სამსახურების სახელმწიფო მაკოორდინებელ ორგანოდ განისაზღვროს საქართველოს ურბანიზაციისა და მშენებლობის სამინისტრო, ხოლო სახელმწიფო კონტროლის ორგანოდ – შესაბამისი ადგილობრივი მმართველობის აღმასრულებელი ორგანოები.
3. ადგილობრივი მმართველობის ორგანოებმა საქართველოს ურბანიზაციისა და მშენებლობის სამინისტროსთან შეთანხმებით ერთ თვეში დაამტკიცონ აღნიშნული სამსახურების დებულება.
4. საქართველოს ურბანიზაციისა და მშენებლობის სამინისტრომ (მ. ჩხენკელი) და ადგილობრივი მმართველობის ორგანოებმა უზრუნველყონ სამსახურების მატერიალურ-ტექნიკური პირობებით აღჭურვა თანამედროვე დონეზე.
ე. შევარდნაძე