საქართველოს შრომის კანონთა კოდექსში დამატების შეტანის თაობაზე

საქართველოს კანონი

საქართველოს შრომის კანონთა კოდექსში დამატების შეტანის თაობაზე

მუხლი 1. საქართველოს შრომის კანონთა კოდექსის (საქართველოს სსრ უმაღლესი საბჭოს უწყებები, 1973 წ., №6, მუხ. 118) მე-80 მუხლს დაემატოს შემდეგი შინაარსის მე-3 ნაწილი:

„3. მაღალმთიანი რეგიონების ტერიტორიაზე განლაგებულ საბიუჯეტო ორგანიზაციებში, დაწესებულებებსა და უწყებებში, აგრეთვე მათ სტრუქტურულ ქვედანაყოფებში დასაქმებულ პენსიონერებს ხელფასთან ერთად მიეცემა შესაბამისი პენსია სრული ოდენობით.“.

მუხლი 2. ეს კანონი ამოქმედდეს 2004 წლის 1 იანვრიდან.

საქართველოს პრეზიდენტი ე. შევარდნაძე.

თბილისი,

2003 წლის 20 ივნისი.

№2470-IIს