საქართველოს პრეზიდენტის
ბრძანებულება №519
1997 წლის 15 სექტემბერი
ქ. თბილისი
„მოსახლეობის საპენსიო უზრუნველყოფის მდგომარეობის გაუმჯობესების ღონისძიებათა შესახებ“ საქართველოს პრეზიდენტის 1997 წლის 9 აგვისტოს №411 ბრძანებულებაში ცვლილების შეტანის თაობაზე
„მოსახლეობის საპენსიო უზრუნველყოფის მდგომარეობის გაუმჯობესების ღონისძიებათა შესახებ“ საქართველოს პრეზიდენტის 1997 წლის 9 აგვისტოს №411 ბრძანებულების პირველი პუნქტი ჩამოყალიბდეს შემდეგი რედაქციით:
„საქართველოს სოციალური დაცვის, შრომისა და დასაქმების სამინისტროს, ეკონომიკის სამინისტროს, ფინანსთა სამინისტროს, კავშირგაბმულობისა და ფოსტის სამინისტროს, სახელმწიფო კანცელარიისა და სოციალური უზრუნველყოფისა და სამედიცინო დაზღვევის ერთიანი სახელმწიფო ფონდის პასუხისმგებელი მუშაკებისაგან შეიქმნას უწყებათაშორისი სამუშაო ჯგუფი, რომელიც შეიმუშავებს მოსახლეობის საპენსიო უზრუნველყოფაში რეფორმების განხორციელების სტრატეგიისა და ორგანიზაციული უზრუნველყოფის საკითხებს“, – შემდეგ როგორც ტექსტშია.
ე. შევარდნაძე