საქართველოს პრეზიდენტის
ბრძანებულება №306
2000 წელი 16 ივლისი
ქ. თბილისი
„საქართველოს სახელმწიფო უზრუნველყოფის სამსახურის სისტემის რეორგანიზაციის შესახებ” საქართველოს პრეზიდენტის 1999 წლის 25 სექტემბრის №566 ბრძანებულებაში ცვლილებების შეტანის თაობაზე
1. შეტანილ იქნეს ცვლილება „საქართველოს სახელმწიფო უზრუნველყოფის სამსახურის სისტემის რეორგანიზაციის შესახებ” საქართველოს პრეზიდენტის 1999 წლის 25 სექტემბრის № 556 ბრძანებულებაში და დაემატოს მე-3 პუნქტი შემდეგი რედაქციით:
„3. საქართველოს სახელმწიფო უზრუნველყოფის სამსახურმა (ი. ანდრიაძე) რუსეთის ფედერაციის მთავრობის მიერ ქ. მოსკოვში, არბატის ქ. №42-ში არსებული №1 ნაგებობის საქართველოს საკუთრებად აღიარების გამო ერთ თვეში უზრუნველყოს ქ. მოსკოვში სამსახურის ფილიალის – კულტურულ ცენტრ „ქართული სახლის” ორგანიზაციული სტრუქტურის ჩამოყალიბება და ფილიალის ფუნქციონირების გრძელვადიანი პროგრამის შემუშავება”.
2. „საქართველოს სახელმწიფო უზრუნველყოფის სამსახურის სისტემის რეორგანიზაციის შესახებ” საქართველოს პრეზიდენტის 1999 წლის 25 სექტემბრის № 566 ბრძანებულებით დამტკიცებულ №1 დანართს დაემატოს – ივერია-სერვისი №2 დანართს – ქობულეთის სახელმწიფო რეზიდენცია “ივერია”.
ე. შევარდნაძე