ქარელის მუნიციპალიტეტის საკრებულოს
დადგენილება №17
2011 წლის 30 მარტი
ქ. ქარელი
,,ადგილობრივი (ქონების) გადასახადის შემოღებისა და მისი განაკვეთების შესახებ“ ქარელის მუნიციპალიტეტის საკრებულოს 2011 წლის 4 თებერვლის №8 დადგენილებაში ცვლილებების შეტანის თაობაზე
„ნორმატიული აქტების შესახებ“ საქართველოს კანონის მე-20 მუხლის შესაბამისად,
1. ,,ადგილობრივი (ქონების) გადასახადის შემოღებისა და მისი განაკვეთების შესახებ“ ქარელის მუნიციპალიტეტის საკრებულოს 2011 წლის 4 თებერვლის №8 დადგენილებაში შეტანილ იქნეს შემდეგი ცვლილებები:
ა) დადგენილებით დამტკიცებული დანართის მე-4, მე-5 და მე-8 მუხლები ჩამოყალიბდეს ახალი რედაქციით:
,,მუხლი 4
სასოფლო-სამეურნეო დანიშნულების მიწაზე (გარდა მე-5 მუხლით გათვალისწინებული მიწებისა) ერთ ჰექტარზე ქონების გადასახადის წლიური განაკვეთია 79 ლარი.
მუხლი 5
სათიბებისა და საძოვრების ერთ ჰექტარზე ქონების გადასახადის წლიური განაკვეთებია:
ა) სათიბებზე (მათ შორის გაკულტურებული სათიბებისთვის) – 19 ლარი;
ბ) საძოვრებზე (მათ შორის, გაკულტურებული საძოვრებისათვის) – 16 ლარი“.
მუხლი 8
არასასოფლო-სამეურნეო დანიშნულების მიწაზე ქონების ერთ კვადრატულ მეტრზე წლიური გადასახადის განაკვეთებია:
| № | ტერიტორია | საბაზისო განაკვეთი (ლარი) | ტერიტორიული კოეფიციენტი
| გადასახადის განაკვეთი (ლარი) |
| 1 | არასასოფლო-სამეურნეო დანიშნულების მიწაზე ქალაქ ქარელში | 0,24 | 0,6 | 0,14 |
| 2 | არასასოფლო-სამეურნეო დანიშნულების მიწაზე, გარდა ქალაქ ქარელისა | 0,24 | 0,46 | 0,11 |
“.
2. ეს დადგენილება ამოქმედდეს გამოქვეყნებისთანავე.
საკრებულოს თავმჯდომარე პ. ღვინიაშვილი