გარდაბნის მუნიციპალიტეტის საკრებულოს
დადგენილება №16
2011 წლის 22 მარტი
ქ. გარდაბანი
გარდაბნის მუნიციპალიტეტის 2011 წლის 28 თებერვლის №5 დადგენილებით დამტკიცებულ ,,ადგილობრივი (ქონების) გადასახადის შემოღებისა და მისი განაკვეთების შესახებ“ დადგენილებაში ცვლილებების შეტანის თაობაზე
,,ზოგადი ადმინისტრაციული კოდექსის“ 63-ე მუხლის და „ნორმატიული აქტების შესახებ“ საქართველოს კანონის მე-20 მუხლის შესაბამისად, გარდაბნის მუნიციპალიტეტის საკრებულომ დაადგინა:
მუხლი 1
შეტანილ იქნეს ცვლილება ,,ადგილობრივი (ქონების) გადასახადის შემოღებისა და მისი განაკვეთების შესახებ“ გარდაბნის მუნიციპალიტეტის საკრებულოს 2011 წლის 28 თებერვლის №5 დადგენილებაში, და მე-7 მუხლი ჩამოყალიბდეს შემდეგი რედაქციით:
„მუხლი 7.
1. არასასოფლო-სამეურნეო დანიშნულების მიწაზე ქონების ერთ კვადრატულ მეტრზე წლიური გადასახადის განმსაზღვრელი ტერიტორიული კოფიციენტი:
ა) ცენტრალური ზონისათვის – 1.2
ბ) შუალედური ზონისათვის – 1.0
გ) პერიფერიული ზონისათვის – 0.8
დ) სოფლებისათვის – 0.5
ე) დასახლებათაშორის არეალებისათვის – 0.5.
2. არასასოფლო-სამეურნეო დანიშნულების მიწის ქონების გადასახადის განაკვეთი ერთ კვადრატულ მეტრზე განისაზღვროს:
ა) ცენტრალური ზონისთვის – 1.2X0.24=0.288
ბ) შუალედური ზონისათვის – 1.0X0.24=0,24
გ) პერიფერიული ზონისთვის – 0.8X0.24=0,192
დ) სოფლებისათვის – 0.5X0.24=0.12
ე) დასახლებათაშორის არეალებისათვის – 0.5X0.24=0.12.”.
მუხლი 2
დადგენილება ძალაში შედის გამოქვეყნებისთანავე.
მუხლი 3
დადგენილება შეიძლება გასაჩივრდეს სასამართლოში (მის: ქ. გარდაბანი, დ. აღმაშენებლის ქ. №14) საქართველოს ადმინისტრაციული საპროცესო კოდექსის 22-ე მუხლის მე-3 ნაწილით დადგენილი წესით, უშუალო ზიანის მიყენებიდან 3 თვის ვადაში.
საკრებულოს თავმჯდომარე გ. ფეიქრიშვილი