საქართველოს შინაგან საქმეთა მინისტრის
ბრძანება №209
2011 წლის 10 მარტი
ქ. თბილისი
„საქართველოს შინაგან საქმეთა სამინისტროს სისტემაში ფულადი სარგოს (თანამდებობრივი და წოდებრივი სარგოების) და დანამატის განსაზღვრის შესახებ” საქართველოს შინაგან საქმეთა მინისტრის 2007 წლის 28 დეკემბრის №1634 ბრძანებაში ცვლილების შეტანის თაობაზე
„ნორმატიული აქტების შესახებ” საქართველოს კანონის მე-20 მუხლის მე-4 პუნქტის, 24-ე მუხლის პირველი პუნქტისა და „საქართველოს შინაგან საქმეთა სამინისტროს დებულების დამტკიცების შესახებ” საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის „ნ” ქვეპუნქტის საფუძველზე, ვბრძანებ:
მუხლი 1
„საქართველოს შინაგან საქმეთა სამინისტროს სისტემაში ფულადი სარგოს (თანამდებობრივი და წოდებრივი სარგოების) და დანამატის განსაზღვრის შესახებ” საქართველოს შინაგან საქმეთა მინისტრის 2007 წლის 28 დეკემბრის №1634 ბრძანებით (სსმ III, 28.12.2007, №186, მუხ.2092) დამტკიცებული დანართი №27 ჩამოყალიბდეს თანდართული რედაქციით.
მუხლი 2
ბრძანება ამოქმედდეს გამოქვეყნებისთანავე და გავრცელდეს 2011 წლის 1 მარტიდან წარმოშობილ სამართლებრივ ურთიერთობებზე.
ი . მერაბიშვილი
დანართი № 27
ქ. თბილისის მთავარი სამმართველოს ადმინისტრაცია (სამმართველო), საკადრო და ორგანიზაციული უზრუნველყოფის სამმართველო და რაიონული სამმართველოების საერთო განყოფილებები
| თანამდებობა | თანამდებობრივი სარგოს განაკვეთი (ლარი) |
| სამმართველოს უფროსი | 2160 |
| სამმართველოს უფროსის მოადგილე , სამსახურის უფროსი | 1700 |
| სამსახურის უფროსის მოადგილე | 1270 |
| განყოფილების უფროსი | 1210 |
| განყოფილების უფროსის მოადგილე | 1105 |
| ქვეგანყოფილების უფროსი , განსაკუთრებით მნიშვნელოვან საქმეთა ინსპექტორი | 1060 |
| უფროსი ინსპექტორი , მთავარი სპეციალისტი | 985 |
| ინსპექტორი , წამყვანი სპეციალისტი | 925 |
| უმცროსი ინსპექტორი , სპეციალისტი | 750 |
| დამხმარე მოსამსახურე ( დამლაგებელი , მუშა - ხელოსანი ) | 325 |