ქობულეთის მუნიციპალიტეტის საკრებულოს
დადგენილება №13
2011 წლის 25 თებერვალი
ქ. ქობულეთი
„ქობულეთის მუნიციპალიტეტის გამგეობის იურიდიული სამსახურის დებულების დამტკიცების შესახებ“ ქობულეთის მუნიციპალიტეტის საკრებულოს 2010 წლის 29 დეკემბრის №33 დადგენილებაში ცვლილებების შეტანის თაობაზე
„ნორმატიული აქტების შესახებ” საქართველოს კანონის მე-20 მუხლის შესაბამისად, ქობულეთის მუნიციპალიტეტის საკრებულომ დაადგინა:
1. „ქობულეთის მუნიციპალიტეტის გამგეობის იურიდიული სამსახურის დებულების დამტკიცების შესახებ“ ქობულეთის მუნიციპალიტეტის საკრებულოს 2010 წლის 29 დეკემბრის №33 დადგენილებაში (სსმ 12.01. 2011 წ. ) შეტანილ იქნეს შემდეგი ცვლილებები:
2. 1-ლი მუხლის მე-3 პუნქტი ჩამოყალიბდეს შემდეგი რედაქციით:
„მუხლი 1.
3. იურიდიული სამსახური შექმნილია „ადგილობრივი თვითმმართველობის შესახებ“ საქართველოს ორგანული კანონისა და „ქობულეთის მუნიციპალიტეტის გამგეობის დებულების დამტკიცების შესახებ’’ ქობულეთის მუნიციპალიტეტის საკრებულოს 2010 წლის 1 აგვისტოს №8 დადგენილების შესაბამისად.“.
3. მე-2 მუხლის „ა’’ ქვეპუნქტი ჩამოყალიბდეს შემდეგი რედაქციით:
„მუხლი 2.
ა) გამგებლისათვის ქობულეთის მუნიციპალიტეტის საკრებულოს თავმჯდომარის წინაშე სამართლებრივი აქტების წარდგენის ინიციატივის განხორციელებაში ხელშეწყობა;“.
4. მე-3 მუხლის „ა’’ ქვეპუნქტი ჩამოყალიბდეს შემდეგი რედაქციით:
„მუხლი 3.
ა) ახორციელებს იმ სამართლებრივი აქტების პროექტების სამართლებრივ ექსპერტიზას, რომელიც გამგებლის მიერ საკრებულოს თავმჯდომარის წინაშე არის ინიციირებული’’.
5. მე-3 მუხლის „ბ’’ ქვეპუნქტი ჩამოყალიბდეს შემდეგი რედაქციით:
„მუხლი 3.
ბ) კოორდინაციას უწევს გამგებლის მიერ საკრებულოს თავმჯდომარის წინაშე წარსადგენი სამართლებრივი აქტების პროექტების საბოლოო რედაქციის შემუშავებას და ამზადებს სათანადო დოკუმენტაციას;’’.
6. ამოღებულ იქნეს თავი VI.
7. დადგენილება ამოქმედდეს გამოქვეყნებისთანავე.
საკრებულოს თავმჯდომარე ნ. ბერაძე