საქართველოს მთავრობის
დადგენილება №8
2004 წლის 31 მარტი
ქ. თბილისი
„საერთაშორისო მნიშვნელობის მცხეთა-ყაზბეგი-ლარსის საავტომობილო გზის (საქართველოს სამხედრო გზა) ზამთრის პერიოდში შეუფერხებელი ფუნქციონირების შესახებ“ საქართველოს სახელმწიფო მინისტრის 2000 წლის 7 მარტის №15 ბრძანების შესრულების მიმდინარეობის თაობაზე
1. ცნობად იქნეს მიღებული ინფორმაცია საქართველოს „საერთაშორისო მნიშვნელობის მცხეთა-ყაზბეგი-ლარსის საავტომობილო გზის (საქართველოს სამხედრო გზა) ზამთრის პერიოდში ფუნქციონირების შესახებ“ სახელმწიფო მინისტრის 2000 წლის 7 მარტის №15 ბრძანების შესრულების მიმდინარეობაზე.
2. საქართველოს ფინანსთა სამინისტრომ და გარემოსა და ბუნებრივი რესურსების დაცვის სამინისტრომ ერთ თვეში შეიმუშაონ წინადადება ზვავების ხელოვნურად ჩამოშვების სამსახურის ჩამოყალიბების და მისი დაფინანსების უზრუნველყოფის შესახებ, რათა 2004-2005 წლების ზამთრის სეზონიდან აღნიშნულმა სამსახურმა დაიწყოს ფუნქციონირება.
3. ბრძანების მე-7 პუნქტის შესრულების მიზნით საქართველოს ენერგეტიკის სამინისტრომ უზრუნველყოს სადღეღამისო ელექტრომომარაგებით თბილისის, ახალგორის, დუშეთის, გუდაურის, ყაზბეგის რადიოსარელეო და მცხეთის, აღმდგომელაანთკარის, დუშეთის, ფასანაურის, გუდაურის, ყაზბეგის კავშირგაბმულობის გამაძლიერებელი სადგურები.
4. დადგენილება ამოქმედდეს გამოქვეყნებისთანავე.
პრემიერ-მინისტრი ზ. ჟვანია