შეთანხმება
საქართველოს მთავრობასა და ჩინეთის სახალხო რესპუბლიკის მთავრობას შორის ტექნიკურ-ეკონომიკური თანამშრომლობის შესახებ
ორ ქვეყანას შორის მეგობრული ურთიერთობებისა და ტექნიკურ-ეკონომიკური ურთიერთობების შემდგომი განვითარების მიზნით, საქართველოს მთავრობა და ჩინეთის სახალხო რესპუბლიკის მთავრობა შეთანხმდნენ შემდეგზე:
მუხლი 1
ჩინეთის სახალხო რესპუბლიკის მთავრობა უსასყიდლო დახმარების სახით გადასცემს საქართველოს მთავრობას 20 მილიონ ჩინურ იუანს.
მუხლი 2
ზემოაღნიშნული სახსრები გამოყენებულია ტექნიკურ-ეკონომიკური თანამშრომლობის პროექტისათვის, რომელიც შეთანხმებილია ორი ქვეყნის მთავრობების მიერ. კონკრეტული საკითხები გათვალისწინებული იქნება მხარეთა მიერ დამატებით შეთანხმებაში.
მუხლი 3
წინამდებარე შეთანხმების მიხედვით, ანგარიშების წარმოების წესი დამატებით შეთანხმდება ჩინეთის განვითარების ბანკსა და ორგანიზაციას შორის, რომელიც სათანადოდ უფლებამოსილი იქნება საქართველოს მთავრობის მიერ.
მუხლი 4
წინამდებარე შეთანხმება ძალაში შედის მისი ხელმოწერისთანავე და მოქმედებს მხარეთა მიერ მათი წინამდებარე შეთანხმებიდან გამომდინარე ვალდებულებების სრულ შესრულებამდე.
შესრულებულია ქალაქ პეკინში 2006 წლის 11 პარილს , ორ პირად, თითოეული ქართულ, ჩინურ და რუსულ ენებზე. ყველა ტექსტს თანაბარი ძალა გააჩნია.
საქართველოს მთავრობის სახელით
(ხელმოწერილია)
ჩინეთის სახალხო რესპუბლიკის მთავრობის სახელით
(ხელმოწერილია)