საქართველოს პრეზიდენტის
ბრძანებულება №1080
2010 წლის 29 დეკემბერი
ქ. თბილისი
,,საექსპორტო და საიმპორტო კონტროლს დაქვემდებარებული სამხედრო დანიშნულების პროდუქციის ნუსხის შესახებ“ საქართველოს პრეზიდენტის 2000 წლის 15 ივლისის №304 ბრძანებულებაში ცვლილებების შეტანის თაობაზე
1. „ნორმატიული აქტების შესახებ“ საქართველოს კანონის მე-20 მუხლის შესაბამისად, ,,საექსპორტო და საიმპორტო კონტროლს დაქვემდებარებული სამხედრო დანიშნულების პროდუქციის ნუსხის შესახებ“ საქართველოს პრეზიდენტის 2000 წლის 15 ივლისის №304 ბრძანებულებით (სსმ III, 2000 წ., №67, მუხ. 604) დამტკიცებულ ნუსხაში შეტანილ იქნეს ცვლილებები და ნუსხით განსაზღვრული ,,სპეციალური შეიარაღებისა და ხელსაწყოების” გრაფის პირველი და მეორე პუნქტები ჩამოყალიბდეს შემდეგი რედაქციით:
| ,,1. სამხედრო დანიშნულების სპეციალური ჯავშანჟილეტი (ყველა სახეობა) შენიშვნა: ჯავშანჟილეტი საქართველოს თავდაცვის სამინისტროსთან არსებული სამხედრო-ტექნიკურ საკითხთა მუდმივმოქმედი კომისიის მიერ ჩაითვლება არასამხედრო დანიშნულების მქონედ და საქართველოს ეროვნული ბანკის მიმართ არ განხორციელდება საიმპორტო კონტროლი, თუ ერთდროულად არსებობს შემდეგი გარემოებები: ა) საქართველოს ეროვნული ბანკის საქმიანობის სპეციფიკიდან გამომდინარე, მუშაკთა უსაფრთხოების უზრუნველსაყოფად, აუცილებელია, საქართველოს ეროვნული ბანკისათვის შესაბამისი ოდენობის და სახეობის ჯავშანჟილეტის იმპორტი, რაც დასტურდება საგანგებო სიტუაციების მართვის შესაბამისი ორგანოს მიერ გაცემული წერილობითი დოკუმენტით; ბ) საქართველოს ეროვნულმა ბანკმა წარმოადგინა წერილობითი დოკუმენტი შემოტანილი საქონლის გაუვრცელებლობისა და მის განკარგვაზე უარის თქმის შესახებ (საბოლოო მომხმარებლის სერტიფიკატი).
|
|
2. სამხედრო დანიშნულების ჩაფხუტი შენიშვნა: ჩაფხუტი საქართველოს თავდაცვის სამინისტროსთან არსებული სამხედრო-ტექნიკურ საკითხთა მუდმივმოქმედი კომისიის მიერ ჩაითვლება არასამხედრო დანიშნულების მქონედ და საქართველოს ეროვნული ბანკის მიმართ არ განხორციელდება საიმპორტო კონტროლი, თუ ერთდროულად არსებობს შემდეგი გარემოებები: ა) საქართველოს ეროვნული ბანკის საქმიანობის სპეციფიკიდან გამომდინარე, მუშაკთა უსაფრთხოების უზრუნველსაყოფად, აუცილებელია, საქართველოს ეროვნული ბანკისათვის შესაბამისი ოდენობის და სახეობის ჩაფხუტის იმპორტი, რაც დასტურდება საგანგებო სიტუაციების მართვის შესაბამისი ორგანოს მიერ გაცემული წერილობითი დოკუმენტით; ბ) საქართველოს ეროვნულმა ბანკმა წარმოადგინა წერილობითი დოკუმენტი შემოტანილი საქონლის გაუვრცელებლობისა და მის განკარგვაზე უარის თქმის შესახებ (საბოლოო მომხმარებლის სერტიფიკატი)“. |
2. ეს ბრძანებულება ამოქმედდეს გამოქვეყნებისთანავე.
მ. სააკაშვილი