დაბა ჩოხატაურის ტერიტორიაზე ქუჩების, პროსპექტების (გამზირების), ხეივნების, გზატკეცილების, შესახვევების, ჩიხების, მოედნების, სკვერების, ბულვარების, ინდივიდვალურ და მრავალბინიან სახლებში სადარბაზოებისა და ბინების ნუმერაციის წესის დამტკიცების შესახებ

ჩოხატაურის მუნიციპალიტეტის საკრებულოს

დადგენილება №26

2010 წლის 24 დეკემბერი

დ. ჩოხატაური

ჩოხატაურის მუნიციპალიტეტის ტერიტორიაზე ქუჩების, პროსპექტების ( გამზირების), ხეივნების, გზატკეცილების, შესახვევების, ჩიხების, მოედნების, სკვერების, ბულვარების, ინდივიდუალურ და მრავალბინიან სახლებში სადარბაზოებისა და ბინების ნუმერაციის წესის დამტკიცების შესახებ

ჩოხატაურის მუნიციპალიტეტის საკრებულოს 2014 წლის 27 მარტის დადგენილება №10 - ვებგვერდი, 03.04.2014წ.

საქართველოს ორგანული კანონის „ადგილობრივი თვითმართველობის შესახებ” 22-ე მუხლის 1-ლ ი პუნქტის „უ” ქვეპუნქტის და საქართველოს კანონის „ნორმატიული აქტების შესახებ” მე-3 მუხლის მე-3 პუნქტის შესაბამისად,

საკრებულომ დაადგინა:

1. დამტკიცდეს ჩოხატაურის მუნიციპალიტეტის ტერიტორიაზე ქუჩების , პროსპექტების ( გამზირების ), ხეივნების , გზატკეცილების , შესახვევების , ჩიხების , მოედნების , სკვერების , ბულვარების , ინდივიდუალურ და მრავალბინიან სახლებში სადარბაზოებისა და ბინების ნუმერაციის წესი , თანახმად დანართისა .

2. დადგენილება ძალაშია არსებული წესით გამოქვეყნებისთანავე.

საკრებულოს თავმჯდომარე

ა. ხუნდაძე

შეტანილი ცვლილებები:

1. ჩოხატაურის მუნიციპალიტეტის საკრებულოს 2014 წლის 27 მარტის დადგენილება №10 - ვებგვერდი, 03.04.2014წ.

2 . ძალადაკარგულია - ჩოხატაურის მუნიციპალიტეტის საკრებულოს 2015 წლის 16 იანვრის დადგენილება №3 - ვებგვერდი, 2 1 .01.2015წ.

დანართი

მუხლი 1. ზოგადი დებულებანი

წინამდებარე წესი განსაზღვრავს ჩოხატაურის მუნიციპალიტეტის ტერიტორიაზე ქუჩების, პროსპექტების (გამზირების), ხეივნების, გზატკეცილების, შესახვევების, ჩიხების, მოედნების, სკვერების, ბულვარების, ინდივიდუ ალურ და მრავალბინიან სახლებში სადარბაზოებისა და ბინების ნუმერაციის პირობებსა და წესს.

მუხლი 2. ტერმინთა განმარტება

1. ნუმერაცია – ქუჩების, პროსპექტების (გამზირების), ხეივნების, გზატკეცილების, შესახვევების, ჩიხების, მოედნების, სკვერების, ბულვარების, ინდივიდუ ალურ და მრავალბინიან სახლებში სადარბაზოებისა და ბინების ნუმერაცია – დადგენილი წესით, გარკვეული რიგითობის მიხედვით ქუჩების, პროსპექტების (გამზირების), ხეივნების, გზატკეცილების, შესახვევების, ჩიხების, მოედნების, სკვერების, ბულვარების, ინდივიდუ ალურ და მრავალბინიან სახლებში სადარბაზოებისა და ბინების დანომვრა ციფრების, ქართული ანბანის ასოების ან/და ინდექსების მეშვეობით.

2. ბინა მრავალბინიან სახლში – მრავალბინიან სახლში ინდივიდუ ალური საკუთრების საგანი, რომელიც შეიძლება იყოს ერთ სისტემაში გაერთიანებული მომიჯნავე სათავსების ერთობლიობა ან იზოლირებული სათავსი (სათავსები), რომელიც გამოიყენება საცხოვრებელი ან არასაცხოვრებელი, მათ შორის, კომერციული მიზნებისათვის.

3. დაინტერესებული პირი – ნებისმიერი მესაკუთრე ფიზიკური ან იურიდიული პირი, აგრეთვე კანონიერი მოსარგებლე, რომლის კანონიერ ინტერესზე პირდაპირ და უშ უალო გავლენას ახდენს ადმინისტრაციული ორგანოს მიერ განხორციელებული ნუმერაცია.

4. კანონიერი მოსარგებლე – პიზიკური პირი, რომელიც უფლებამოსილი ორგანოს მიერ გაცემული დოკუმენტის (ინდივიდუალურ-ადმინისტრაციულ სამართლებრივი აქტი, ბინის ორდერი, საბინაო წიგნი, და სხვ.) საფუძველზე კანონიერად სარგებლობს ბინით, შენობით.

5. შენობა – მიწასთან მყარად დაკავშირებული, საამშენებლო სამუშაოების შედეგად, საძირკვლის, მზიდი და შემომზღუდავი კონსტრუქციების გამოყენებით, დახურული სივრცის შექმნის მიზნით აგებული ერთიანი საამშენებლო სისტემა, რომელიც გამიზნულია ადამიანთა ხანგძლივი დროით სამყოფად და გამოიყენება საცხოვრებელი, საზოგადოებრივი და საწარმოო მიზნებისთვის.

6. ინდექსი – რიცხვითი ან ასოითი მაჩვენებელი, რომელიც ციფრს ეწერება ქვევით.

7. ნუმერაციის კომისია – მუნიციპალიტეტის საკრებულოს თავმჯდომარის ინდივიდუალურ-სამართლებრივი აქტის საფუძველზე შექმნილი კომისია.

მუხლი 3. უფლებამოსილი ორგანოები

გადაწყვეტილებას ქუჩების, პროსპექტების (გამზირების), ხეივნების, გზატკეცილების, შესახვევების, ჩიხების, მოედნების, სკვერების, ბულვარების, ინდივიდუ ალურ და მრავალბინიან სახლებში სადარბაზოებისა და ბინების ნუმერაციის შესახებ იღებს ჩოხატაურის მუნიციპალიტეტის საკრებულო.

მუხლი 4. ნუმერაციის მოთხოვნა

1. ქუჩების, პროსპექტების (გამზირების), ხეივნების, გზატკეცილების, შესახვევების, ჩიხების, მოედნების, სკვერების, ბულვარების, ინდივიდუ ალურ და მრავალბინიან სახლებში სადარბაზოებისა და ბინების ნუმერაციის შესახებ ადმინისტრაციული წარმოება იწყება დაინტერესებული პირის (პირთა ჯგუფის) განცხადების ან/და ადმინისტრაციული ორგანოს ინიციატივის საფუძველზე.

2. ინდივიდვალურ და მრავალბინიან სახლებში სადარბაზოებისა და ბინების ნუმერაციის შესახებ დაინტერესებული პირის განცხადებით წარმოების დაწყების შემთხვევაში განცხადებას თან უნდა ახლდეს დაინტერესებული პირის (პირთა ჯგუფის) აღნიშნული ბინის/ბინების საკუთრების უფლების ან კანონიერი სარგებლობის დამადასტურებელი დოკუმენტი.

მუხლი 5. ქუჩების , პროსპექტების ( გამზირების ), ხეივნების , გზატკეცილების , შესახვევების , ჩიხების , მოედნების , სკვერების და ბულვარების ნუმერაციის საფუძველი

1. ქუჩების, პროსპექტების (გამზირების), ხეივნების, გზატკეცილების, შესახვევების, ჩიხების, მოედნების, სკვერების და ბულვარების ნუმერაციის შეცვლის ან/და ახალი ნუმერაციის საფუძველი შეიძლება გახდეს:

ა) შენობის/შენობების ნუმერაციის არარსებობა;

ბ) არსებულ დოკუმენტებში შენობის/შენობებისათვის მინიჭებული ნომრების აღრევა;

გ) სხვა ხდომილება, რამაც შეიძლება გამოიწვიოს შენობის /შენობების ნუმერაციის მოთხოვნა.

მუხლი 6. ინდივიდუალურ და მრავალბინიან სახლებში სადარბაზოებისა და ბინების ნუმერაციის საფუძველი

ინდივიდვალურ და მრავალბინიან სახლებში სადარბაზოებისა და ბინების ნუმერაციის შეცვლის ან/და ახალი ნუმერაციის საფუძველი შეიძლება გახდეს:

ა) სადარბაზოს/სადარბაზოების ან/და ბინის/ბინების ნუმერაციის არარსებობა;

ბ) ბინის გაყოფა;

გ) ბინების შეერთება;

დ) არსებულ დოკუმენტებში სადარბაზოს/სადარბაზოებისათვის ან/და ბინის/ბინებისათვის მინიჭებული ნომრების აღრევა;

ე) სხვა ხდომილება, რამაც შეიძლება გამოიწვიოს სადარბაზოს/სადარბაზოების ან/და ბინის/ბინების ნუმერაციის მოთხოვნა.

2. ნუმერაცია დაუშვებელია, თუ მესაკუთრეს ან კანონიერ მოსარგებლეს არ გააჩნია ბინით დამოუკიდებლად სარგებლობის შესაძლებლობა და იგი არ შეიძლება წარმოადგენდეს ცალკე უფლების ობიექტს.

მუხლი 7. ქუჩების , პროსპექტების ( გამზირების ), ხეივნების , გზატკეცილების , შესახვევების , ჩიხების , მოედნების , სკვერების , ბულვარების , ინდივიდუალურ და მრავალბინიან სახლებში სადარბაზოებისა და ბინების ნუმერაცია

1. ქუჩების, პროსპექტების (გამზირების), ხეივნების, გზატკეცილების, შესახვევების, ჩიხების, მოედნების, სკვერების, და ბულვარების ნუმერაცია ხდება ციფრით, გამონაკლის შემთხვევაში, შენობის სპეციფიკიდან გამომდინარე, ციფრზე ქართული ანბანის ასოს ან ციფრის ინდექსის დამატებით.

2. ინდივიდვალურ და მრავალბინიან სახლებში სადარბაზოებისა და ბინების ნუმერაცია ხდება ციფრით ან ციფრზე ქართული ანბანის ასოს ინდექსის დამატებით.

მუხლი 8. გადაწყვეტილების მიღების წესი

1. განცხადებას ქუჩების, პროსპექტების (გამზირების), ხეივნების, გზატკეცილების, შესახვევების, ჩიხების, მოედნების, სკვერების, ბულვარების, ინდივიდუალურ და მრავალბინიან სახლებში სადარბაზოებისა და ბინების ნუმერაციის შესახებ განიხილავს ჩოხატაურის მუნიციპალიტეტის საკრებულოს თავმჯდომარის მიერ შექმნილი ნუმერაციის კომისია, რომელიც 15 სამუშაო დღის ვადაში საკრებულოს წარუდგენს განკარგულების პროექტს ნუმერაციის თაობაზე.

2. გადაწყვეტილება ქუჩების, პროსპექტების (გამზირების), ხეივნების, გზატკეცილების, შესახვევების, ჩიხების, მოედნების, სკვერების, ბულვარების, ინდივიდუალურ და მრავალბინიან სახლებში სადარბაზოებისა და ბინების ნუმერაციის შესახებ მიიღება საკრებულოს სხდომაზე ხმათა უმრავლესობით.

3. საკრებულო ვალდებულია გადაწყვეტილების მიღებიდან 10 სამუშაო დღის ვადაში გადაუგზავნოს განკარგულება იუსტიციის სამინისტროს საჯარო რეესტრის ეროვნულ სააგენტოს და სამოქალაქო რეესტრის ეროვნულ სააგენტოს ტერიტორიულ ორგანოებს მონაცემთა ბაზაში ცვლილებების შეტანის მიზნით.