დასაქმების სფეროში რეფორმის განხორციელების შესახებ

დასაქმების სფეროში რეფორმის განხორციელების შესახებ

საქართველოს პრეზიდენტის

ბრძანებულება №63

2001 წლის 22 თებერვალი

ქ. თბილისი

დასაქმების სფეროში რეფორმის განხორციელების შესახებ

1. დასაქმების სფეროში რეფორმის განხორციელების მიზნით, შეი­ქ­მ­ნას სამთავრობო კომისია საქართველოს შრომის, ჯანმრთე­ლობისა და სოციალური დაცვის მინისტრის ხელმძღვანელობით და დამტკიცდეს კომისიის თანდართული შემადგენლობა (დანართი 1).

2. დამტკიცდეს დასაქმების სფეროში რეფორმის პირველი ეტაპის განხორციელების ღონისძიებების თანდართული გეგმა (დანართი 2).

3. რეფორმის პირველი ეტაპის ღონისძიებების დაფინანსება განხორ­ციელდეს საქართველოს შრომის, ჯანმრთელობისა და სოციალური დაცვის სამინისტროს 2001 წლის სახელმწიფო პროგრამების ფარგლებში.

4. შეიქმნას საჯარო სამართლის იურიდიული პირი – დასაქმების სახელმწიფო სამსახური და დამტკიცდეს მისი თანდართული დებულება (დანართი 3).

5. საქართველოს შრომის, ჯანმრთელობისა და სოციალური დაც­ვის სამინისტრომ (ა. ჯორბენაძე):

ა) განახორციელოს საჯარო სამართლის იურიდიული პირის – დასაქმების სახელმწიფო სამსახურის სახელმწიფო კონტროლი;

ბ) უზრუნველყოს საქართველოს სახელმწიფო ქონების მართვის სამინისტროში აღნიშნული დაწესებულებისათვის გადასაცემი ქონების შესახებ წინადადებათა წარდგენა;

გ) დანიშნოს საჯარო სამართლის იურიდიული პირის – დასაქ­მების სახელმწიფო სამსახურის დირექტორი;

დ) ერთ თვეში მოამზადოს საქართველოს პრეზიდენტის ბრძანებუ­ლების პროექტი საჯარო სამართლის იურიდიული პირის – საქართველოს დასაქმების ერთიანი სახელმწიფო ფონდის დებულებაში ცვლილებების შეტანის თაობაზე.

6. დასაქმების სახელმწიფო რეგულირებისა და აქტიური პოლიტიკის განხორციელების მიზნით, სოციალური პარტნიორობის პრინცი­პებიდან გამომდინარე, შეიქმნას და დამტკიცდეს დასაქმების ეროვნული საბჭოს თანდართული დებულება და შემადგენლობა (დანართი 4 და 5).

ე. შევარდნაძე

შეტანილი ცვლილებები:

1. საქართველოს პრეზიდენტის 2001 წლის 17 მაისის ბრძანებულება №194 - სსმ  III, №52, 21.05.2001 წ., მუხ.386

2. საქართველოს პრეზიდენტის 2002 წლის 13 სექტემბრის ბრძანებულება №402 - სსმ III, №91, 18.09.2002 წ., მუხ.816

3. ძალადაკარგულია – საქართველოს პრეზიდენტის 2012 წლის 13 ივლისის ბრძანებულება №569 – ვებგვერდი, 16.07.2012წ.

დანართი №1

დასაქმების სფეროში რეფორმის განხორციელების სამთავრობო კომისიის შემადგენლობა

ავთანდილ ჯორბენაძე – საქართველოს შრომის, ჯანმრთელობისა და სოციალური დაცვის მინისტრი, კომი­სიის თავმჯდომარე

ალექსი ალექსიშვილი – ახალგაზრდა ეკონომისტთა ასოციაციის პრეზიდენტი

იოსებ არჩვაძე – საქართველოს სტატისტიკის სახელმწიფო დეპარტამენტის თავმჯდომარის მოადგი­ლე

თამაზ ბოლქვაძე – საქართველოს დასაქმების ერთიანი სახე­ლ­მწიფო ფონდის სამეთვალყურეო საბჭოს თავმჯდომარე

ამირან გამყრელიძე – საქართველოს შრომის, ჯანმრთელობისა და სოციალური დაცვის მინისტრის პირველი მოადგილე

ვასილ გიგოლაშვილი – საქართველოს ფინანსთა მინისტრის მოა­დ­გილე

ვარლამ ვახანია – საქართველოს სახელმწიფო კანცელა­რიის სოციალურ საკითხთა სამსახურის უფრო­სის მოადგილე, სოციალური ეკო­ნო­მიკისა და პოლიტიკის ანალიზის განყო­ფილების უფროსი

აკაკი ზოიძე – საქართველოს შრომის, ჯანმრთელობისა და სოციალური დაცვის მინისტრის მოად­გილე

ნათელა თურნავა – საქართველოს ეკონომიკის, მრეწველო­ბისა და ვაჭრობის მინისტრის მოადგილე

კოტე კუბლაშვილი – საქართველოს იუსტიციის მინისტრის პი­რ­ველი მოადგილე

ივანე მერაბიშვილი – საქართველოს პარლამენტის ეკონომიკუ­რი პოლიტიკის კომიტეტის თავმჯდომარე

ელგუჯა მექვაბიშვილი – თბილისის ივ. ჯავახიშვილის სახელობის სახელმწიფო უნივერსიტეტის ეკონომიკის ფაკულტეტის დეკანი

კახაბერ საკანდელიძე – საქართველოს დასაქმების ერთიანი სა­ხელ­მწიფო ფონდის დირექტორი

ზეზვა ღუღუნიშვილი – საქართველოს პარლამენტის ჯანმრთელო­­ბის დაცვისა და სოციალურ საკითხთა კომიტეტის თავმჯდომარე

ზურაბ ცქიტიშვილი – საქართველოს პარლამენტის დარგობ­რივი ეკონომიკის კომიტეტის თავმჯდო­მარე

ბადრი ხატიძე – საქართველოს პრეზიდენტის რეგიონა­ლური პოლიტიკისა და მართვის სამსახუ­რის უფროსი

მანანა ხაჩიძე – საქართველოს შრომის, ჯანმრთელობისა და სოციალური დაცვის მინისტრის მოად­გილე.

დანართი №2

დასაქმების სფეროში რეფორმის პირველი ეტაპის ღონისძიებების გეგმა

საქართველოს პრეზიდენტის 2001 წლის 17 მაისის ბრძანებულება №194 - სსმ  III, №52, 21.05.2001 წ., მუხ.386

დანართი №3

                                                                                                             (ძალადაკარგულია)    

საქართველოს პრეზიდენტის 2002 წლის 13 სექტემბრის ბრძანებულება №402 - სსმ III, №91, 18.09.2002 წ., მუხ.816

დანართი № 4

დასაქმების ეროვნული საბჭოს დებულება

I. ზოგადი დებულება

1. საქართველოს პრეზიდენტთან არსებული დასაქმების ეროვნული საბჭო (შემდგომში – საბჭო) არის სოციალური პარტნი­ორობის პრინციპზე ფორმირებული მუდმივმოქმედი საკონსულტაციო ორგანო, სადაც პარიტეტულ საწყისებზეა წარმოდგენილი აღმასრულებელი ხელისუფლების, პროფესიული კავშირების, მეწარმეთა გაერთიანებებისა და არასამთავრობო ორგანიზაციების წარმომადგენლები.

2. საბჭოს შემადგენლობას ამტკიცებს საქართველოს პრეზიდენტი.

3. საბჭო თავის საქმიანობაში ხელმძღვანელობს საქართველოს კონსტიტუციით, საერთაშორისო ხელშეკრულებებითა და შეთანხმე­ბებით, „დასაქმების შესახებ“ კანონით, საქართველოს შრომის კანონთა კოდექსით, საქართველოს პრეზიდენტის ბრძანებულებებითა და განკარგულებებით, ამ დებულებით, სხვა ნორმატიული აქტებით.

II. საბჭოს მიზნები და კომპეტენცია

4. საბჭოს საქმიანობის ძირითადი მიზნებია:

ა) დასაქმების სახელმწიფო პოლიტიკის ძირითად მიმარ­თუ­ლებათა შემუშავება;

ბ) დასაქმების ეროვნული, რეგიონული, ადგილობრივი, სპეცია­ლური პროგრამების შეთანხმებული შემუშავება;

გ) მცირე და საოჯახო ბიზნესის ხელშეწყობა დასაქმების მიზნით;

დ) შრომითი მიგრაციული პროცესების რეგულირებაში მონა­წილეობა;

ე) შრომის საერთაშორისო ორგანიზაციების კონვენციებისა და რეკო­მენდაციების, აგრეთვე ევროპის სოციალური ქარტიის ძირითადი პრინციპების დაცვა.

5. საბჭოს კომპეტენციაში შედის:

ა) დასაქმების სახელმწიფო პოლიტიკის ძირითად მიმართუ­ლე­ბათა შემუშავებაში აქტიური მონაწილეობის მიღება;

ბ) კანონპროექტებისა და სხვა ნორმატიული აქტების ექსპერტიზა;

გ) დასაქმების პროგრამების ექსპერტიზა და ინიცირება;

დ) უმუშევრობის პრობლემების მოგვარებაში აქტიური მონაწი­ლეობა;

ე) შრომითი მიგრაციული პროცესების რეგულირებაში, საქართ­ველოს შრომის ბაზარზე უცხო ქვეყნის მოქალაქეთა დაშვების მიზანშეწონილობის თაობაზე გადაწყვეტილებების მიღების პროცესში მონაწილეობის მიღება;

ვ) სოციალური პარტნიორობის ფარგლებში გენერალური და დარგობ­რივი ხელშეკრულებების შემუშავებაში, გაფორმებასა და ხელშეკრულებით გათვალისწინებული პირობების დაცვაზე ზედამხედველობის განხორციელებაში მონაწილეობის მიღება;

ზ) დასაქმების პროგრამების რეალიზაციის შედეგების შეფასება და რეკომენდაციების შემუშავება.

III. საბჭოს უფლება-მოვალეობანი

საბჭო უფლებამოსილია:

6. განიხილოს თავის სხდომებზე დასაქმებასთან დაკავშირებული ნებისმიერი საკითხი და მოამზადოს შესაბამის გადაწყვეტილებათა პროექტები საქართველოს პრეზიდენტისათვის წარსადგენად.

7. მოისმინოს შრომის, ჯანმრთელობისა და სოციალური დაცვის სამინისტროს, სხვა სამთავრობო დაწესებულებების, აგრეთვე თვითმმარ­თველობისა და მმართველობის ადგილობრივი ორგანოების ინფორმაციები დასაქმების აქტიური პოლიტიკის რეალიზების საკით­ხებზე და მიიღოს მონაწილეობა სათანადო წინადადებების შემუშავების პროცესში.

8. მოითხოვოს და მიიღოს სახელმწიფო მმართველობის ნების­მიერ ორგანოსაგან, ავტონომიური რესპუბლიკების მთავრობებისა და ხელისუფლების ადგილობრივი ორგანოებისაგან მასალები და ინფორ­მაციები საბჭოს კომპეტენციის ფარგლებში.

9. სახელმწიფო საკუთრების საწარმოთა პრივატიზების პროცესში მოახდინოს წარმოშობილი უმუშევართა ფენის მიმართ დასაქმების სახელმწიფო პოლიტიკის ფორმირება.

10. სახელმწიფო საკუთრების საწარმოთა პრივატიზების პრო­ცესში მონაწილეობა მიიღოს მუშაკთა სოციალური დაცვის საკითხების გადაწყვეტაში.

11. რეკომენდაცია გაუწიოს დასაქმების სფეროში მოღვაწე სპე­ციალისტებს საზღვარგარეთ მივლინებისათვის – გამოცდილების გასაზი­არებლად, კვალიფიკაციის ასამაღლებლად, სხვადასხვა კონფერენციებსა და სემინარებში მონაწილეობის მისაღებად.

12.დააყენოს საკითხი საბჭოს მიერ მიღებულ გადაწყვეტილებათა შეუსრულებლობის მიზეზების შესწავლის შესახებ.

13. უზრუნველყოს სისტემატური ურთიერთობა საზოგადოებასთან მასობრივი ინფორმაციის საშუალებებით.

IV. საბჭოს სტრუქტურა

14. საბჭო შედგება სახელმწიფო ხელისუფლების, პროფესიული კავშირების, მეწარმეთა გაერთიანებებისა და არასამთავრობო ორგანი­ზაციების წარმომადგენლებისაგან.

15. საბჭოს თავმჯდომარეა საქართველოს პრეზიდენტი, რომელიც ხელმძღვანელობს საბჭოს საქმიანობას და წარმართავს საბჭოს სხდო­მებს.

16. საბჭოს სხდომების ორგანიზებასა და გადაწყვეტილებათა შესრულების კონტროლს, აგრეთვე საბჭოს მიმდინარე საქმიანობას ახორციელებს შრომის, ჯანმრთელობისა და სოციალური დაცვის მინისტრი – საბჭოს თავმჯდომარის მოადგილე.

17. საბჭო პროფესიული კავშირების მიერ გაფორმებული დარგობრივი ხელშეკრულებების საფუძველზე მონაწილეობს დასაქმების პროცესების რეგულირების, შრომის პირობების დაცვისა და შრომის ანაზღაურების სისტემის მოწესრიგებაში, „ფარული დასაქმებისა და ფარული ხელფასის“ ლეგალიზაციაში.

V. საბჭოს მუშაობის ორგანიზება

18. საბჭოს სხდომების დღის წესრიგს ამტკიცებს საბჭოს თავმჯ­დომარე, საბჭოს თავმჯდომარის მოადგილის წარდგინებით.

19. საბჭოს მუშაობის ორგანიზებისათვის იქმნება აპარატი, პასუხის­მგებელი მდივნისა და თითოეული მხრიდან თითო წარმომადგენლის შემადგენლობით. აპარატის პერსონალურ შემადგენლობას ამტკიცებს საბჭო.

20. საბჭოს სხდომებზე საკითხის გატანის უფლება აქვთ:

ა) საბჭოს თავმჯდომარეს;

ბ) საბჭოს წევრებს;           

გ) აუცილებლობის შემთხვევაში, საბჭოს თავმჯდომარის მოად­გილის წარდგინებით – სხვა პასუხისმგებელ მუშაკებს.

21. საბჭო, საქართველოს კანონებისა და კანონქვემდებარე აქტე­ბი­დან გამომდინარე, ამზადებს წინადადებებს საქართველოს პრეზი­დენტის ბრძანებულებების, განკარგულებების შესამუშავებლად.

22. საბჭოს სხდომებზე გადაწყვეტილებებს იღებს საქართველოს პრეზიდენტი – საბჭოს თავმჯდომარე.

23. საბჭო მოისმენს სამინისტროების, დეპარტამენტების, უწყებე­ბის, სამხარეო და მმართველობის ადგილობრივი ორგანოების ინფორ­მაციებს დასაქმების პოლიტიკის რეალიზების საკითხებზე, რის შემდეგ ხდება შესაბამისი გადაწყვეტილებების მიღება საქართველოს პრეზიდენტის ბრძანებულებების, განკარგულებებისა და საოქმო ჩანაწერების სახით.

VI. საბჭოს მუშაობის რეგლამენტი

24. საბჭოს სხდომები მოიწვევა საჭიროებისამებრ, მაგრამ კვარ­ტალში ერთხელ მაინც, საქართველოს პრეზიდენტის მიერ.

25. საბჭო თავის საქმიანობას წარმართავს საქართველოს პრე­ზიდენტის მიერ დამტკიცებული სამუშაო გეგმის საფუძველზე.

26. საბჭოს თავმჯდომარის მოადგილე ადგენს წლიური და კვარტალური სამუშაო გეგმების პროექტებს შემოსულ წინადადებათა საფუძველზე, აზუსტებს საკითხთა განხილვის ვადებს და წარუდგენს დასამტკიცებლად საქართველოს პრეზიდენტს.

27. საბჭოს სხდომის სამუშაო გეგმიდან საკითხების ამოღება ან მათი განხილვის ვადების შეცვლა შეიძლება საბჭოს თავმჯდომარის მო­ა­დ­გილესთან შეთანხმებით.

VII. საბჭოს სხდომის დღის წესრიგის წინასწარი განხილვა

28. საბჭოს სხდომის დღის წესრიგის პროექტს განიხილავს საბჭოს თავმჯდომარის მოადგილე – შრომის, ჯანმრთელობისა და სოციალური დაცვის მინისტრი, რომელსაც შემდგომ ამტკიცებს საბჭოს თავმჯ­დომარე – საქართველოს პრეზიდენტი.

29. საბჭოს დღის წესრიგის პროექტი თანდართულ მასალებთან ერთად ხუთი დღით ადრე ბარდებათ საქართველოს პრეზიდენტსა და საბ­ჭოს წევრებს.

VIII. საკითხების შეტანა საბჭოს სხდომაზე განსახილველად

30. საბჭოს განიხილავს:

ა) საბჭოს სამუშაო გეგმით გათვალისწინებულ საკითხებს;

ბ) მოისმენს ანგარიშს დასაქმების პოლიტიკის რეალიზების სა­კით­ხებზე.

31. საბჭოს სხდომაზე განსახილველ თითოეულ საკითხზე მომზადებულ უნდა იქნეს მოხსენებითი ბარათი, რომელშიც მკაფიოდ იქნება ჩამოყალიბებული მიმართულებები, რეკომენდაციები, პროგ­რამები და პროექტები; მოხსენებით ბარათს თან უნდა ახლდეს შესაბამისი გადაწყვეტილების (საქართველოს პრეზიდენტის ბრძანე­ბულების, განკარგულების ან საოქმო ჩანაწერის) პროექტი.

32. საბჭოს სხდომაზე განსახილველი პროექტები, რომლებიც შეეხება საქართველოს სამინისტროების, დეპარტამენტების, უწყებების, ქალაქებისა და რაიონების გამგეობების ინტერესებს ან კომპეტენციას, წინასწარ უნდა იქნეს მათთან განხილული.

33. საქართველოს სამინისტროების, დეპარტამენტების, უწყე­ბების, ავტონომიური რესპუბლიკების, სამხარეო და მმართველობის ადგილობრივი ორგანოების ხელმძღვანელები მოვალენი არიან მისცენ დას­კვნა მათ მიერ განხილულ, საბჭოს სხდომაზე გასატან საკითხთა პრო­ექტებს მათი მიღებიდან ერთი თვის განმავლობაში, ხოლო იმ შემთ­ხვევაში, თუ არ ეთანხმებიან, დაასაბუთონ საწინააღმდეგო მოსაზ­რებანი და თან დაურთონ შემოთავაზებული რედაქცია.

34. საბჭოს სხდომის გამართვამდე 10 დღით ადრე სამინისტროები, დეპარტამენტები, უწყებები ვალდებული არიან წარუდგინონ საბჭოს მზა მასალები სხდომაზე განსახილველად.

35. საბჭოს სხდომებზე შემოტანილ არადამაკმაყოფილებლად და რეგლამენტის დარღვევით მომზადებულ საკითხებს საბჭოს აპარატი საბჭოს თავმჯდომარის მოადგილესთან შეთანხმებით, უბრუნებს საკით­ხის შემომტანთ ხელახალი გადამუშავებისათვის.

IX. საბჭოს სხდომები

36. საბჭოს სხდომაზე საბჭოს წევრებთან ერთად იწვევენ დაინტერესებულ უწყებათა და ორგანიზაციათა წარმომადგენლებს.

37. საბჭოს სხდომაზე განსახილველ საკითხზე მომხსენებელს ეძლევა არა უმეტეს 15 წუთისა, თანამომხსენებლებს – 7 წუთი, კამათში მონაწილეებს – 3-5 წუთი.

38. საბჭოს სხდომათა ოქმს აფორმებს და ხელმოსაწერად ამზა­დებს საბჭოს აპარატი.

39. საბჭოს სხდომებზე შენიშვნის გარეშე მიღებულ საქართველოს პრეზიდენტის აქტებს საბჭოს აპარატი აფორმებს მეორე დღეს. ­განხილულ საკითხებზე გამოთქმული შენიშვნები, წინადადებანი და მითითებანი პროექტებში შეაქვს საკითხის შემომტანს. პროექტებს საბოლოო რედაქციით ვიზას ადებს საბჭოს თავმჯდომარის მოადგილე და წარადგენს ხელმოსაწერად.

40. საბჭოს ხელმოწერილ სხდომის ოქმებსა და პრეზიდენტის აქტებს საბჭოს აპარატი უგზავნის ადრესატებს ხელმოწერიდან 3 დღის განმავლობაში.

41. საბჭოს ხელმოწერილი ოქმები, პრეზიდენტის ბრძანებუ­ლე­ბები, განკარგულებები ეგზავნებათ საბჭოს წევრებს, აგრეთვე სახელმ­წიფო ორგანოებს, ორგანიზაციებსა და თანამდებობის პირებს დად­გენილი სიის მიხედვით.

42. საოქმო ჩანაწერები ეგზავნებათ შემსრულებლებს სხდომის ოქმიდან ამონაწერის სახით.

43. ცალკეული გადაწყვეტილებანი ეგზავნებათ შემსრულებლებს იმ სიის მიხედვით, რომელსაც ადგენს საკითხის შემომტანი.

დანართი №5

დასაქმების ეროვნული საბჭოს შემადგენლობა

1. სახელმწიფო ხელისუფლების მხრიდან:

ედუარდ შევარდნაძე – საქართველოს პრეზიდენტი, საბჭოს თავმჯ­დო­მარე

გიორგი არსენიშვილი – საქართველოს სახელმწიფო მინისტრი, საბ­ჭოს თავმჯდომარის მოადგილე

ავთანდილ ჯორბენაძე – საქართველოს შრომის,ჯანმრთელობისა და სოციალური დაცვის მინისტრი, საბჭოს თავ­მ­ჯდომარის მოადგილე

თეიმურაზ ბასილია – საქართველოს პრეზიდენტის თანაშემწე ეკო­­­­ნომიკური რეფორმების საკითხებში

თემურ ბერიძე – საქართველოს სტატისტიკის სახელმწიფო დე­­პარტამენტის თავმჯდომარე

ზურაბ გაიპარაშვილი – საქართველოს ახალგაზრდობის საქმეთა სახელმწიფო დეპარტამენტის თავმჯდო­მა­რე

ვალერი ვაშაკიძე – საქართველოს ლტოლვილთა და განსახ­ლების მინისტრი

ივანე ზოდელავა – ქ. თბილისის მერი

თედო ისაკაძე – საქართველოს სახელმწიფო მინისტრის მო­ადგილე

ოთარ კახაძე – აჭარის ავტონომიური რესპუბლიკის შრომის, დასაქმებისა და სოციალური დაცვის მინისტრი

დავით კირვალიძე – საქართველოს სოფლის მეურნეობისა და სურსათის მინისტრი

ზურაბ ნოღაიდელი – საქართველოს ფინანსთა მინისტრი

მიხეილ სააკაშვილი – საქართველოს იუსტიციის მინისტრი

ზეზვა ღუღუნიშვილი – საქართველოს პარლამენტის ჯანმრთე­ლო­ბის დაცვისა და სოციალურ საკითხთა კომი­ტეტის თავმჯდომარე

ივანე ჩხარტიშვილი – საქართველოს ეკონომიკის, მრეწველობისა და ვაჭრობის მინისტრი

ლონდერ ცაავა – აფხაზეთის ავტონომიური რესპუბლიკის მი­ნისტრთა საბჭოს თავმჯდომარე

დაზმირ ჯოჯუა – საქართველოს სახელმწიფო კანცელარიის სო­ციალურ საკითხთა სამსახურის უფროსი

ბადრი ხატიძე – საქართველოს პრეზიდენტის რეგიონული პოლიტიკისა და მართვის სამსახურის უფრო­სი.

2. მეწარმეთა გაერთიანებებისა და არასამთავრობო ორგა­ნიზაციების მხრიდან:

ალექსი ალექსიშვილი – ახალგაზრდა ეკონომისტთა ასოციაცია

ზურაბ გვასალია – საქართველოს ბანკების ასოციაცია

გიორგი გოცაძე – საერთაშორისო ფონდი „კურაციო“

არმაზ თავაძე – ახალგაზრდა ფინანსისტთა ასოციაცია

ომარ კიზივაძე – საქართველოს გადამხდელთა კავშირი

ლია მუხაშავრია – „კონსტიტუციის 42-ე მუხლი“

იური პაპასქუა – თბილისის მცირე მეწარმეთა კავშირი

თემურ ჭყონია – საქართველოს გადამხდელთა კავშირი

მამუკა ხაზარაძე – საქართველოს გადამხდელთა კავშირი

დ ევი ხეჩინაშვილი – საქართველოს სადაზღვევო ასოციაცია

თინა ხიდაშელი – ახალგაზრდა იურისტთა ასოციაცია.

3. პროფესიული კავშირების მხრიდან:

ზვიად ბრეგვაძე – მრეწველობის და ვაჭრობის მუშაკთა დარ­გობრივი პროფკავშირი

ზურაბ დიდიშვილი – საქართველოს კავშირგაბმულობის მუშაკ­თა პროფესიული კავშირი

ალექსანდრე ლომიძე – საქართველოს ნავთობისა და გაზის მრეწ­ველობის მუშაკთა პროფესიული კავშირი

ირაკლი პეტრიაშვილი – სს AES „თელასის“ პროფესიული კავშირი

მერაბ ჟურული – მეტალურგიული და სამთო მრეწველობის მშრომელთა პროფესიული კავშირი

გიორგი ტორონჯაძე – საქართველოს ბანკების, საფინანსო-საინ­ვეს­ტიციო და სადაზღვევო კომპანიების მუშაკთა პროფესიული კავშირი

ირაკლი ტუღუში – საქართველოს პროფესიული კავშირების გაერთიანება

რობერტ ურჯუმელაშვილი – საქართველოს სოფლის მეურნეობისა და გადამმუშავებელი მრეწველობის მუშაკთა დამოუკიდებელი პროფესიული კავშირი

ზაზა ჩხიკვიშვილი – საქართველოს საავტომობილო ტრანს­პორ­ტის მუშაკთა დარგობრივი დამოუკი­დებელი პროფესიული კავშირი.