სახელმწიფო სარეგისტრაციო კოდი 010.250.000.35.117.000.202
ამბროლაურის მუნიციპალიტეტის საკრებულოს
დადგენილება №18
2010 წლის 29 ივლისი
ქ. ამბროლაური
„ამბროლაურის მუნიციპალიტეტის საკრებულოს დებულების (რეგლამენტის) დამტკიცების შესახებ“ ამბროლაურის მუნიციპალიტეტის საკრებულოს 2010 წლის 16 ივლისის №10 დადგენილებაში ცვლილების შეტანის თაობაზე
„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „თ“ ქვეპუნქტისა და „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის თანახმად, ამბროლაურის მუნიციპალიტეტის საკრებულომ დაადგინა:
1. შეტანილ იქნეს შემდეგი ცვლილება „ამბროლაურის მუნიციპალიტეტის საკრებულოს დებულების (რეგლამენტის) დამტკიცების შესახებ“ ამბროლაურის მუნიციპალიტეტის საკრებულოს 2010 წლის 16 ივლისის №10 დადგენილებაში:
დებულებას დაემატოს 139-ე მუხლი და ჩამოყალიბდეს შემდეგი რედაქციით:
„მუხლი 139. 2011 წლის 1 იანვრამდე ადგილობრივი თვითმმართველობის ნორმატიული აქტის გამოქვეყნების დროებითი წესი
2010 წლის 15 ივლისიდან 2011 წლის 1 იანვრამდე საკრებულოს ნორმატიული აქტი– საკრებულოს დადგენილება, კანონით დადგენილი წესით, ოფიციალურად ქვეყნდება გაზეთში „საქართველოს საკანონმდებლო მაცნე“, ხოლო ოფიციალური გამოქვეყნების შემდეგ – საკრებულოს ადმინისტრაციული შენობის საინფორმაციო დაფაზე.“.
2. ეს დადგენილება ამოქმედდეს გამოქვეყნებისთანავე.
საკრებულოს თავმჯდომარე კ. ფარჯანაძე