საქართველოს დაზვერვის სახელმწიფო დეპარტამენტის დებულებაში ცვლილებების შეტანისა და ამ დეპარტამენტის ობიექტების დაცვის სამსახურის დაფინანსების შესახებ

საქართველოს დაზვერვის სახელმწიფო დეპარტამენტის დებულებაში ცვლილებების შეტანისა და ამ დეპარტამენტის ობიექტების დაცვის სამსახურის დაფინანსების შესახებ

საქართველოს პრეზიდენტის

ბრძანებულება №89

1999 წლის 2 მარტი

ქ. თბილისი

საქართველოს დაზვერვის სახელმწიფო დეპარტამენტის დებულებაში ცვლილებების შეტანისა და ამ დეპარტამენტის ობიექტების დაცვის სამსახურის დაფინანსების შესახებ

1. „საქართველოს დაზვერვის სახელმწიფო დეპარტამენტის დებულების დამტკიცების შესახებ“ საქართველოს პრეზიდენტის 1997 წლის 8 ოქტომბრის №566 ბრძანებულებით დამტკიცებული დებულების VI თავში შეტანილ იქნეს შემდგომი ცვლილებები:

ა) 23-ე მუხლს დაემატოს „კ“ პუნქტი: – „ობიექტების დაცვის სამსახური“.

ბ) 24-ე მუხლის „ზ“ პუნქტი ჩამოყალიბდეს შემდეგი რედაქციით: „ადმინისტრაციული სამსახური უზრუნველყოფს დეპარტამენტის საფინანსო და სამეურნეო მომსახურებას“.

გ) 24-ე მუხლს დაემატოს „ი“ პუნქტი: „ობიექტების დაცვის სამსახური უზრუნველყოფს დეპარტამენტის ობიექტების დაცვას“.

2. ობიექტების დაცვის სამსახური შეიქმნას საქართველოს პრეზიდენტის 1997 წლის 8 ოქტომბრის №018 განკარგულებით განსაზღვრული საქართველოს დაზვერვის სახელმწიფო დეპარტამენტის საშტატო რიცხოვნობის ხარჯზე, სამსახური დაფინანსდეს საქართველოს სახელმწიფო ბიუჯეტით საქართველოს დაზვერვის სახელმწიფო დეპარტამენტისათვის დამტკიცებულ ასიგნებათა ფარგლებში.

ე. შევარდნაძე