ქალაქ თბილისის მერის
ბრძანება №25
2010 წლის 18 ნოემბერი
ქ. თბილისი
„ქ. თბილისის მერიის შინაგანაწესის დამტკიცების შესახებ“ ქალაქ თბილისის მერის 2008 წლის 27 მარტის №24 ბრძანებაში ცვლილებების შეტანის თაობაზე
„ნორმატიული აქტების შესახებ“ საქართველოს კანონის მე-20 მუხლისა და ,,საქართველოს ზოგადი ადმინისტრაციული კოდექსის” 63-ე მუხლის შესაბამისად, ვბრძანებ:
1. „ქ. თბილისის მერიის შინაგანაწესის დამტკიცების შესახებ“ ქალაქ თბილისის მერის 2008 წლის 27 მარტის №24 ბრძანებით დამტკიცებული დანართის მე-2 მუხლის მე-2 და მე-3 პუნქტები ჩამოყალიბდეს შემდეგი რედაქციით:
„2. სამუშაო დღე იწყება 10:00 სთ-ზე და მთავრდება 19:00 სთ-ზე.
3. სამუშაო დღე განისაზღვრება ერთსაათიანი შესვენებით. შესვენება იწყება 14:00 სთ-დან და გრძელდება 15:00 სთ-მდე.“.
2. ბრძანება ძალაში შედის გამოქვეყნებისთანავე.
გ. უგულავა