მარტვილის მუნიციპალიტეტის საკრებულოს
დადგენილება №20
2010 წლის 15 ნოემბერი
ქ. მარტვილი
„მარტვილის მუნიციპალიტეტის გამგეობის დებულების დამტკიცების შესახებ“ მარტვილის მუნიციპალიტეტის საკრებულოს 2010 წლის 24 სექტემბრის №17 დადგენილებაში ცვლილების შეტანის შესახებ
„ადგილობრივი თვითმმართველობის შესახებ“ საქართველოს ორგანული კანონის, „ნორმატიული აქტების შესახებ“ საქართველოს კანონის მე-20 მუხლის და აბაშის, ზუგდიდის, მარტვილის, მესტიის, სენაკის, ჩხოროწყუს, წალენჯიხის, ხობის მინიციპალიტეტებსა და თვითმმართველ ქალაქ ფოთში სახელმწიფო რწმუნებულის – გუბერნატორის მოადგილის 2010 წლის 15 ოქტომბრის №100 სამართლებრივი შენიშვნების შესაბამისად, მარტვილის მუნიციპალიტეტის საკრებულომ დაადგინა:
1. შეტანილ იქნეს ცვლილებები „მარტვილის მუნიციპალიტეტის გამგეობის დებულების დამტკიცების შესახებ“ მარტვილის მუნიციპალიტეტის საკრებულოს 2010 წლის 24 სექტემბრის №17 დადგენილებაში, კერძოდ:
ა) დებულების მე-4 მუხლის მე-2 პუნქტიდან ამოღებულ იქნეს 1999 წლის პრეზიდენტის №158 ბრძანებულება და ჩამოყალიბდეს შემდეგი რედაქციით: „საქართველოს პრეზიდენტის 1999 წლის 1 ივლისის №414 ბრძანებულებით დამტკიცებული „საქართველოს ერთიანი წესით“ და ამ დადგენილებით;
ბ) მე-7 მუხლის მე-3 პუნქტს დაემატოს „გ“ და „დ“ პუნქტები და ჩამოყალიბდეს შემდეგი რედაქციით:
„3. გამგეობის თანამდებობის პირები არიან:
ა) გამგებელი;
ბ) გამგებლის მოადგილე;
გ) გამგეობის ტერიტორიული ორგანოს ხელმძღვანელი;
დ) სტრუქტურული ერთეულის ხელმძღვანელი.“;
გ) მე-12 მუხლის პირველი პუნქტი ამოღებულ იქნეს და ჩამოყალიბდეს შემდეგი რედაქციით:
„1. გამგეობის სტრუქტურული ერთეულები შესაბამისი სფეროების მიხედვით აღასრულებენ საკრებულოსა და საკრებულოს თავმჯდომარის გადაწყვეტილებებს და გამგებლის დავალებებს“;
დ) დებულების 21-ე მუხლის მე-2 პუნქტიდან ამოღებულ იქნეს საქართველოს პრეზიდენტის 2009 წლის 5 თებერვლის №47 ბრძანებულების სათაური და ჩამოყალიბდეს შემდეგი რედაქციით:
„საჯარო მოხელეთა ატესტაციის წესის დამტკიცების შესახებ“
ე) დებულების 27-ე მუხლის მე-4 მუხლის ბოლო აბზაცი ამოღებულ იქნეს მთლიანად და ჩამოყალიბდეს შემდეგი რედაქციით:
„4. გამგეობის სამსახურის (ტერიტორიული ორგანოს) სამუშაო გეგმა უნდა შეესაბამებოდეს გამგეობის სამუშაო გეგმას, საკრებულოს თავმჯდომარისა და გამგებლის დავალებებს“.
2. დადგენილება ამოქმედდეს ,,ნორმატიული აქტების შესახებ“ საქართველოს კანონის შესაბამისად, გამოქვეყნებისთანავე.
საკრებულოს თავმჯდომარე ზ. გოროზია