საქართველოს პრეზიდენტის
ბრძანებულება №830
1996 წლის 20 დეკემბერი
ქ. თბილისი
სააქციო საზოგადოება "მადნეულის" რეაბილიტაცია-განვითარებასთან დაკავშირებული საინვესტიციო წინადადებების შესახებ
სააქციო საზოგადოება "მადნეულის" პროდუქციის მსოფლიო ბაზარზე კონკურენტუნარიანობის ამაღლების, მადნეულის საბადოს რაციონალური და ეფექტიანი გამოყენებისა და საწარმოში არსებული მდგომარეობის გაუმჯობესების მიზნით:
1. გამოცხადდეს ტენდერი სააქციო საზოგადოება "მადნეულის" საკონტროლო პაკეტის 5 წლის ვადით გადაცემაზე.
2. საქართველოს სახელმწიფო მინისტრმა შექმნას სატენდერო კომისია.
კომისიამ 10 დღეში შეიმუშაოს ტენდერის პირობები და მაქსიმალურად უზრუნველყოს ინფორმაციების გავრცელება მსოფლიოს სხვადასხვა ქვეყნებში საქართველოს საელჩოების მეშვეობით.
3. სატენდერო კომისიამ 1997 წლის 1 მარტამდე უზრუნველყოს საინვესტიციო წინადადებათა განხილვა სააქციო საზოგადოება "მადნეულის" საკონტროლო პაკეტის მართვაზე.
ე. შევარდნაძე