საქართველოს თავდაცვის მინისტრის
ბრძანება №762
2010 წლის 11 ნოემბერი
ქ. თბილისი
„საჯარო სამართლის იურიდიული პირის – „სახელმწიფო სამხედრო სამეცნიერო-ტექნიკურ ცენტრ „დელტას” დებულების დამტკიცების შესახებ” საქართველოს თავდაცვის მინისტრის 2005 წლის 22 ნოემბრის №321 ბრძანებაში დამატებების შეტანის თაობაზე
„ნორმატიული აქტების შესახებ” საქართველოს კანონის მე-20 მუხლის მე-4 პუნქტის საფუძველზე, ვბრძანებ:
მუხლი 1
„საჯარო სამართლის იურიდიული პირის – „სახელმწიფო სამხედრო სამეცნიერო-ტექნიკურ ცენტრ „დელტას” დებულების დამტკიცების შესახებ” საქართველოს თავდაცვის მინისტრის 2005 წლის 22 ნოემბრის №321 ბრძანებით (სსმ III, 24.11.2005, №136, მუხ.1515) დამტკიცებულ დებულებაში შეტანილ იქნეს შემდეგი დამატებები:
1. პირველ მუხლს დაემატოს 31 პუნქტი შემდეგი რედაქციით:
„31. საქართველოს თავდაცვის სამინისტროს თანხმობით, „ცენტრი’’ უფლებამოსილია საქართველოს კანონმდებლობით დადგენილი წესით დააფუძნოს კერძო სამართლის არასამეწარმეო (არაკომერციული) იურიდიული პირი.’’.
2. მე-2 მუხლის მე-2 პუნქტს დაემატოს „ტ’’ ქვეპუნქტი შემდეგი რედაქციით:
„ტ) თავისი უფლებამოსილების ფარგლებში, „ცენტრი’’ ახორციელებს სპორტულ-გამაჯანსაღებელ საქმიანობას.’’.
მუხლი 2
ბრძანება ამოქმედდეს გამოქვეყნებისთანავე.
ბ. ახალაია