,,ქონების პრივატიზაციითა და იჯარით მიღებული სახსრების ბიუჯეტებს შორის განაწილების თაობაზე”

,,ქონების პრივატიზაციითა და იჯარით მიღებული სახსრების ბიუჯეტებს შორის განაწილების თაობაზე”

საქართველოს მთავრობის

დადგენილება №97

2004 წლის 29 ოქტომბერი

ქ. თბილისი

ქონების პრივატიზაციითა და იჯარით მიღებული სახსრების ბიუჯეტებს შორის განაწილების თაობაზე

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 პუნქტის საფუძველზე „საერთო-სახელმწიფოებრივი გადასახადებისაგან აფხაზეთისა და აჭარის ავტონომიური რესპუბლიკებისა და სხვა ტერიტორიული ერთეულების ბიუჯეტებში ანარიცხების გრძელვადიანი ეკონომიკური ნორმატივების შესახებ“ საქართველოს კანონის განხორციელების მიზნით:

1. ქონების პრივატიზაციითა და იჯარით მიღებული სახსრები, რომლებიც ექვემდებარება საქართველოს სახელმწიფო, ავტონომიური რესპუბლიკებისა და სხვა ტერიტორიული ერთეულების ბიუჯეტების შემოსავლებში ჩარიცხვას, განაწილდეს შემდეგი თანაფარდობით:

 

ქონება დაქვემდებარების მიხედვით	პრივატიზაციითა და იჯარით მიღებული სახსრების განაწილება (პროცენტობით)
სახელმწიფო ბიუჯეტი	საქართველოს ავტონომიური რესპუბლიკებისა და სხვა ტერიტორიული ერთეულების ბიუჯეტები
პრივატიზებული ქონება
საქართველოს საერთო-სახელმწიფოებრივი მნიშვნელობის ქონება	100
საქართველოს სახელმწიფო ქონება	65	35
ადგილობრივი თვითმმართველობისა და მმართველობის გამგებლობაში გადაცემული ქონება		100
იჯარით გაცემული ქონება
საქართველოს საერთო-სახელმწიფოებრივი მნიშვნელობის ქონება	100
საქართველოს სახელმწიფო ქონება, კერძოდ, სახელმწიფო მიწა და მიწასთან მყარად დაკავშირებული ქონება	65	35
ადგილობრივი თვითმმართველობისა და მმართველობის გამგებლობაში გადაცემული ქონება და მიწა		100

 

2. საქართველოს ეკონომიკური განვითარების სამინისტრომ (კ. ბენდუქიძე) ერთ თვეში დაადგინოს საერთო-სახელმწიფოებრივი მნიშვნელობისა და სახელმწიფო ქონების ნუსხა.

პრემიერ-მინისტრი ზ. ჟვანია