საქართველოს პრეზიდენტის
ბრძანებულება №890
2010 წლის 4 ნოემბერი
ქ. თბილისი
„საქართველოს შეიარაღებული ძალების გაერთიანებული შტაბის დებულების დამტკიცების შესახებ” საქართველოს პრეზიდენტის 2007 წლის 8 აგვისტოს №462 ბრძანებულებაში ცვლილებების შეტანის თაობაზე
1. „ნორმატიული აქტების შესახებ” საქართველოს კანონის მე-20 მუხლის შესაბამისად, „საქართველოს შეიარაღებული ძალების გაერთიანებული შტაბის დებულების დამტკიცების შესახებ” საქართველოს პრეზიდენტის 2007 წლის 8 აგვისტოს №462 ბრძანებულების (სსმ III, 2007 წ., №113, მუხ.1251) პირველი პუნქტით დამტკიცებულ დებულებაში შეტანილ იქნეს შემდეგი ცვლილებები:
ა) მე-5 მუხლის მე-2 პუნქტის „ი” ქვეპუნქტიდან ამოღებულ იქნეს სიტყვები: ,,მათთვის სპორტულ-გამაჯანსაღებელი ღონისძიებების ორგანიზებას,”;
ბ) მე-5 მუხლის მე-2 პუნქტის „პ” ქვეპუნქტი ჩამოყალიბდეს შემდეგი რედაქციით:
„პ) ჯარების ლოგისტიკური უზრუნველყოფის სარდლობა ახორციელებს შეიარაღებული ძალების მატერიალურ-ტექნიკური საშუალებებით უზრუნველყოფას, საქართველოს თავდაცვის სამინისტროს სამოქალაქო ოფისისა და გაერთიანებული შტაბის თანამშრომელთა სპორტულ-გამაჯანსაღებელი ღონისძიებების ორგანიზებას;”.
2. ეს ბრძანებულება ამოქმედდეს გამოქვეყნებისთანავე.
მ. სააკაშვილი