საქართველოს მთავრობის
დადგენილება №69
2004 წლის 23 აგვისტო
ქ. თბილისი
„ქ. თბილისის ისტორიული ნაწილის რეაბილიტაციის ღონისძიებათა განმსაზღვრელი უწყებათაშორისი კომისიისა და დებულების დამტკიცების შესახებ” საქართველოს მთავრობის 2004 წლის 11 აგვისტოს №67 დადგენილებაში ცვლილების შეტანის თაობაზე
შეტანილ იქნეს ცვლილება „თბილისის ისტორიული ნაწილის რეაბილიტაციის ღონისძიებათა განმსაზღვრელი უწყებათაშორისი კომისიისა და დებულების დამტკიცების შესახებ” საქართველოს მთავრობის 2004 წლის 11 აგვისტოს №67 დადგენილებაში და პირველი პუნქტი ჩამოყალიბდეს შემდეგი რედაქციით:
„1. დამტკიცდეს ქ. თბილისის ისტორიული ნაწილის რეაბილიტაციის ღონისძიებათა განმსაზღვრელი უწყებათაშორისი კომისია შემდეგი შემადგენლობით:
ზურაბ ჭიაბერაშვილი – ქ. თბილისის მერი, კომისიის თავმჯდომარე
ლაშა გოცირიძე – საქართველოს ფინანსთა მინისტრის მოადგილე
ეკატერინე გურეშიძე – საქართველოს იუსტიციის მინისტრის პირველი მოადგილე
გიორგი ვაჩეიშვილი – საქართველოს კულტურის, ძეგლთა დაცვისა და სპორტის მინისტრის მოადგილე
გიორგი იმნაძე – საქართველოს გარემოს დაცვისა და ბუნებრივი რესურსების მინისტრის მოადგილე
კახა კობერიძე – საქართველოს გენერალური პროკურორის მოადგილე
ვახტანგ ლეჟავა – საქართველოს ეკონომიკის მინისტრის მოადგილე
თეიმურაზ სამადაშვილი – საქართველოს განათლებისა და მეცნიერების მინისტრის პირველი მოადგილე
კახა საყვარელიძე – საქართველოს შინაგან საქმეთა მინისტრის მოადგილე
კონსტანტინე ქავთარაძე – საქართველოს საგარეო საქმეთა მინისტრის მოადგილე.
2. დადგენილება ამოქმედდეს გამოქვეყნებისთანავე.
ზ. ჟვანია