საქართველოს მთავრობის
დადგენილება №214
2005 წლის 1 დეკემბერი
ქ. თბილისი
„მშენებლობის ნებართვის გაცემის წესისა და სანებართვო პირობების შესახებ” საქართველოს მთავრობის 2005 წლის 11 აგვისტოს №140 დადგენილებაში ცვლილებებისა და დამატებების შეტანის თაობაზე
„ნორმატიული აქტების შესახებ” საქართველოს კანონის 36-ე მუხლის საფუძველზე:
მუხლი 1. „მშენებლობის ნებართვის გაცემის წესისა და სანებართვო პირობების შესახებ” საქართველოს მთავრობის 2005 წლის 11 აგვისტოს №140 დადგენილების (სსმ III, 2005 წ., №95, მუხლი 1084) პირველ მუხლს დაემატოს შემდეგი შინაარსის მე-4 პუნქტი:
„4. ამ დადგენილების მოქმედება არ ვრცელდება ისტორიისა და კულტურის ძეგლებზე, გარდა იმ შემთხვევისა, როდესაც ისტორიისა და კულტურის ძეგლი იმავდროულად არის განსაკუთრებული მნიშვნელობის ობიექტი.”.
მუხლი 2. დადგენილება ამოქმედდეს გამოქვეყნებისთანავე.
პრემიერ-მინისტრი ზ. ნოღაიდელი