საქართველოს პრეზიდენტის
ბრძანებულება №363
1997 წლის 14 ივლისი
ქ. თბილისი
„საქართველოს ეროვნული მეურნეობის ძირითადი ფონდების გადაფასების შესახებ“ საქართველოს პრეზიდენტის 1997 წლის 9 ივნისის №295 ბრძანებულებაში ცვლილებების შეტანის შესახებ
„სახელმწიფო ქონების პრივატიზების შესახებ“ საქართველოს კანონთან და „სახელმწიფო ქონების პრივატიზების დაჩქარების ორგანიზაციულ ღონისძიებათა შესახებ“ საქართველოს პრეზიდენტის 1997 წლის 27 ივნისის №328 ბრძანებულებასთან შესაბამისად უზრუნველყოფის მიზნით „საქართველოს ეროვნული მეურნეობის ძირითადი ფონდების გადაფასების შესახებ“ საქართველოს პრეზიდენტის 1997 წლის 9 ივნისის №295 ბრძანებულების მე-14 პუნქტი შეიცვალოს და ჩამოყალიბდეს შემდეგი რედაქციით:
„14. 1997 წლის 1 ივლისის მდგომარეობის ძირითადი ფონდების გადაფასებული ღირებულება სახელმწიფო ქონების პრივატიზებისას გამოყენებულ იქნეს 1998 წლის 1 იანვრიდან.
ამასთან იმ საპრივატიზებო ობიექტების გამოსასყიდი თანხა და გადასახდელი საიჯარო ქირა, რომელთა იჯარა-გამოსყიდვის უფლებით გაცემის შესახებ გადაწყვეტილება მიღებულია 1997 წლის 1 ივლისამდე, რჩება უცვლელი. 1997 წლის 1 ივლისამდე რეგისტრირებულ სააქციო საზოგადოებათა აქციების საწყისი გასაყიდი ფასი პრივატიზებისას დგინდება რეგისტრირებული საწესდებო კაპიტალიდან გამომდინარე“.
ე. შევარდნაძე