„საქართველოს საკონსტიტუციო სასამართლოს შესახებ“ საქართველოს ორგანულ კანონში ცვლილების შეტანის თაობაზე

„საქართველოს საკონსტიტუციო სასამართლოს შესახებ“ საქართველოს ორგანულ კანონში ცვლილების შეტანის თაობაზე

საქართველოს ორგანული კანონი

„საქართველოს საკონსტიტუციო სასამართლოს შესახებ“ საქართველოს ორგანულ კანონში ცვლილების შეტანის თაობაზე

    მუხლი 1

„საქართველოს საკონსტიტუციო სასამართლოს შესახებ“ საქართველოს ორგანული კანონის (პარლამენტის უწყებანი, №001, 27.02.1996, გვ. 8) 53-ე მუხლის მე-2 პუნქტი ჩამოყალიბდეს შემდეგი რედაქციით:

„2. საკონსტიტუციო სასამართლოს ადგილსამყოფელია ქალაქი ბათუმი.“.

    მუხლი 2

1. საქართველოს მთავრობამ უზრუნველყოს საქართველოს საკონსტიტუციო სასამართლოს ქალაქ ბათუმში საქმიანობისა და ფუნქციონირებისათვის აუცილებელი ორგანიზაციული ღონისძიებების გატარება და საქართველოს საკონსტიტუციო სასამართლოსათვის შესაბამისი შენობისა და მატერიალურ-ტექნიკური საშუალებების გადაცემა საქართველოს კანონმდებლობით დადგენილი წესით.

2. ქალაქ ბათუმში საკონსტიტუციო სასამართლოს საქმიანობისათვის შესაბამისი პირობების შექმნამდე საკონსტიტუციო სამართალწარმოება განხორციელდეს ქალაქ თბილისში.

    მუხლი 3

ეს კანონი ამოქმედდეს გამოქვეყნებისთანავე.

საქართველოს პრეზიდენტი მ. სააკაშვილი

თბილისი,

2006 წლის 7 სექტემბერი.

№3549–რს