საქართველოს მთავრობის
დადგენილება №167
2006 წლის 30 აგვისტო
ქ. თბილისი
„სამუშაო ადგილებზე პროფესიული მომზადების მიზნობრივი სახელმწიფო პროგრამის დამტკიცების შესახებ“ საქართველოს მთავრობის 2006 წლის 2 აგვისტოს №148 დადგენილებაში ცვლილების შეტანის თაობაზე
1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „სამუშაო ადგილებზე პროფესიული მომზადების მიზნობრივი სახელმწიფო პროგრამის დამტკიცების შესახებ” საქართველოს მთავრობის 2006 წლის 2 აგვისტოს №148 დადგენილებით დამტკიცებულ ,,სამუშაო ადგილებზე პროფესიული მომზადების მიზნობრივ სახელმწიფო პროგრამაში” შეტანილ იქნეს ცვლილება და მე-4 მუხლის პირველი პუნქტი ჩამოყალიბდეს შემდეგი რედაქციით:
„1. საქართველოს ფინანსთა სამინისტრო 2006 წლის 1 ოქტომბრამდე უზრუნველყოფს პროგრამაში მონაწილეობის მსურველი მეწარმე სუბიექტებისათვის სპეციალური ფორმის განაცხადების (დანართი №2) დარიგებას (სადაც ასახული იქნება სააგენტოს საქმიანობისათვის საჭირო ყველა სახის რეკვიზიტი) და შევსებული განაცხადების სსიპ – სოციალური დახმარებისა და დასაქმების სახელმწიფო სააგენტოსათვის (შემდგომში – სააგენტო) გადაცემას. პროგრამის მონაწილე მეწარმე სუბიექტებს ამ დადგენილებით დამტკიცებული განაცხადის (დანართი №2) შევსებული ფორმები შეუძლიათ წარუდგინონ სააგენტოს.”.
2. დადგენილება ამოქმედდეს გამოქვეყნებისთანავე.
პრემიერ-მინისტრი ზ. ნოღაიდელი