,,ქ. თბილისში, ვაკე-საბურთალოს რაიონში ,,მზიურისა” და ზოოპარკის ტერიტორიების გაერთიანების ხარჯზე საზოგადოებრივი მუნიციპალური პარკის მოწყობისა და დარჩენილი ტერიტორიის განაშენიანების რეგულირების გეგმის შემუშავებისა და დამტკიცების ღონისძიებათა შესახებ”

,,ქ. თბილისში, ვაკე-საბურთალოს რაიონში ,,მზიურისა” და ზოოპარკის ტერიტორიების გაერთიანების ხარჯზე საზოგადოებრივი მუნიციპალური პარკის მოწყობისა და დარჩენილი ტერიტორიის განაშენიანების რეგულირების გეგმის შემუშავებისა და დამტკიცების ღონისძიებათა შესახებ”

საქართველოს მთავრობის

 დადგენილება №158

2005 წლის 15 სექტემბერი

 ქ. თბილისი

ქ. თბილისში, ვაკე-საბურთალოს რაიონში ,,მზიურისა” და ზოოპარკის ტერიტორიების გაერთიანების ხარჯზე საზოგადოებრივი მუნიციპალური პარკის მოწყობისა და დარჩენილი ტერიტორიის განაშენიანების რეგულირების გეგმის შემუშავებისა და დამტკიცების ღონისძიებათა შესახებ

„საქართველოს დედაქალაქის – თბილისის შესახებ“ საქართველოს კანონის მე-6 და მე-9 მუხლების შესაბამისად, ქ. თბილისში, ვაკე-საბურთალოს რაიონში ,,მზიურისა“ და ზოოპარკის ტერიტორიების გაერთიანების, მუნიციპალური დასასვენებელი პარკის მოწყობისა და დარჩენილი ტერიტორიის (გურამიშვილის გამზირამდე) სივრცითი მოწყობის მიზნით:

1. ქ. თბილისის მერიამ (გ. უგულავა):

ა) შეიმუშაოს და დაამტკიცოს ,,მზიურისა“ და ზოოპარკის ტერიტორიების გაერთიანებული საზღვრების გეგმა;

ბ) მუნიციპალური პარკის საზღვრების დადგენისა და დამტკიცების შემდეგ შეიმუშაოს და დაამტკიცოს დარჩენილი ტერიტორიის განაშენიანების რეგულირების გეგმა;

გ) აღნიშნული საქმიანობის განსახორციელებლად იხელმძღვანელოს საკონკურსო და სატენდერო კანონმდებლობის მოთხოვნათა სრული დაცვით.

2. ამ დადგენილების ამოქმედებისთანავე ძალადაკარგულად ჩაითვალოს საქართველოს მინისტრთა საბჭოს 1987 წლის 3 მარტის №99 გადაწყვეტილება.

3. დადგენილება ამოქმედდეს გამოქვეყნებისთანავე.

პრემიერ-მინისტრი     ზ. ნოღაიდელი