საქართველოს პრეზიდენტის
ბრძანებულება №218
2008 წლის 30 აპრილი
ქ. თბილისი
„საქართველოს თავდაცვის სამინისტროს სამხედრო მოსამსახურეთა და სამოქალაქო პირთა სოციალური დაცვისა და მატერიალური უზრუნველყოფის შესახებ“ საქართველოს პრეზიდენტის 2004 წლის 5 ნოემბრის №493 ბრძანებულებაში ცვლილებისა და დამატების შეტანის თაობაზე
1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „საქართველოს თავდაცვის სამინისტროს სამხედრო მოსამსახურეთა და სამოქალაქო პირთა სოციალური დაცვისა და მატერიალური უზრუნველყოფის შესახებ“ საქართველოს პრეზიდენტის 2004 წლის 5 ნოემბრის №493 ბრძანებულებაში (სსმ III, 2004 წ., №130, მუხ. 1148) შეტანილ იქნეს შემდეგი ცვლილება და დამატება:
ა) ბრძანებულების 46-ე პუნქტს დაემატოს შემდეგი შინაარსის შენიშვნა:
„შენიშვნა: ამ პუნქტით გათვალისწინებული დებულების გამოცემამდე სამხედრო მოსამსახურეებს საცხოვრებელ ბინებს სამსახურებრივ სარგებლობაში გადასცემს საქართველოს თავდაცვის მინისტრის ინდივიდუალური ადმინისტრაციულ-სამართლებრივი აქტით განსაზღვრული საბინაო კომისია.“;
ბ) ამოღებულ იქნეს ბრძანებულების 48-ე პუნქტი.
2. ეს ბრძანებულება ამოქმედდეს გამოქვეყნებისთანავე.
მ. სააკაშვილი