საქართველოს მთავრობის
დადგენილება №143
2006 წლის 28 ივლისი
ქ. თბილისი
,,სახელმწიფო სამეცნიერო-კვლევითი დაწესებულებების საჯარო სამართლის იურიდიულ პირებად დაფუძნების შესახებ“ საქართველოს მთავრობის 2006 წლის 16 მარტის №58 დადგენილებაში ცვლილებების შეტანის თაობაზე
,,საქართველოს ზოგადი ადმინისტრაციული კოდექსის“ 63-ე მუხლისა და ,,ნორმატიული აქტების შესახებ“ საქართველოს კანონის 36-ე მუხლის საფუძველზე:
1. ,,სახელმწიფო სამეცნიერო-კვლევითი დაწესებულებების საჯარო სამართლის იურიდიულ პირებად დაფუძნების შესახებ“ საქართველოს მთავრობის 2006 წლის 16 მარტის №58 დადგენილებაში (სსმ III, 2006 წ., №35, მუხლი 424) შეტანილ იქნეს შემდეგი ცვლილებები:
ა) საჯარო სამართლის იურიდიულ პირს – ევგენი ხარაძის აბასთუმნის ასტროფიზიკურ ობსერვატორიას შეეცვალოს სახელწოდება და ეწოდოს საჯარო სამართლის იურიდიული პირი – საქართველოს ევგენი ხარაძის ეროვნული ასტროფიზიკური ობსერვატორია და დადგენილების პირველი მუხლის მე-5 პუნქტი ჩამოყალიბდეს შემდეგი რედაქციით:
,,5. საქართველოს ევგენი ხარაძის ეროვნული ასტროფიზიკური ობსერვატორია;“;
ბ) საჯარო სამართლის იურიდიულ პირს – კონსტანტინე ამირაჯიბის სოფლის მეურნეობის მექანიზაციისა და ელექტრიფიკაციის ინსტიტუტს შეეცვალოს სახელწოდება და ეწოდოს საჯარო სამართლის იურიდიული პირი – კონსტანტინე ამირაჯიბის სოფლის მეურნეობის მექანიზაციისა და ელექტრიფიკაციის ინსტიტუტი და დადგენილების პირველი მუხლის 45-ე პუნქტი ჩამოყალიბდეს შემდეგი რედაქციით:
,,45. კონსტანტინე ამირაჯიბის სოფლის მეურნეობის მექანიზაციისა და ელექტრიფიკაციის ინსტიტუტი;“.
2. დადგენილება ამოქმედდეს გამოქვეყნებისთანავე.
პრემიერ-მინისტრი ზ. ნოღაიდელი