„ევროპის ლანდშაფტების კონვენციის“ დამტკიცებისა და ძალაში შესვლის შესახებ

საქართველოს პრეზიდენტის

ბრძანებულება №395

2010 წლის 9 ივნისი

ქ. თბილისი

„საქართველოს საერთაშორისო ხელშეკრულებების შესახებ“ საქართველოს კანონის მე-18 მუხლის შესაბამისად:

1. ძალაში შესვლის მიზნით, დამტკიცდეს 2000 წლის 20 ოქტომბრის „ევროპის ლანდშაფტების კონვენცია“.

2. საქართველოს საგარეო საქმეთა სამინისტრომ:

ა) შეატყობინოს ევროპის საბჭოს გენერალურ მდივანს (დეპოზიტარს) წინამდებარე ბრძანებულების პირველ პუნქტში აღნიშნული კონვენციის ძალაში შესვლისათვის აუცილებელი საქართველოს შიდასახელმწიფოებრივი პროცედურის შესრულების შესახებ;

ბ) აცნობოს საქართველოს პარლამენტს ამ ბრძანებულების პირველ პუნქტში აღნიშნული კონვენციის დამტკიცების თაობაზე.

მ. სააკაშვილი