სახელმწიფო სარეგისტრაციო კოდი 110.060.010.22.027.015.006
საქართველოს იუსტიციის მინისტრის
ბრძანება № 154
2010 წლის 18 აგვისტო
ქ. თბილისი
„რაიონული პროკურატურების სამოქმედო ტერიტორიების განსაზღვრის შესახებ“ საქართველოს იუსტიციის მინისტრის 2008 წლის 7 ნოემბრის №255 ბრძანებაში ცვლილებების შეტანის თაობაზე
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:
მუხლი 1.
„რაიონული პროკურატურების სამოქმედო ტერიტორიების განსაზღვრის შესახებ“ საქართველოს იუსტიციის მინისტრის 2008 წლის 7 ნოემბრის №255 ბრძანების (სსმ III, 07.11.2008წ., №161, მუხ. 1628) დანართში, „რაიონული პროკურატურების სამოქმედო ტერიტორიების“ განსაზღვრის შესახებ შეტანილ იქნეს შემდეგი ცვლილებები:
1. მე-15 პუნქტი ჩამოყალიბდეს შემდეგი რედაქციით:
„15. ამბროლაურის რაიონული პროკურატურა – ამბროლაურის, ონის, ცაგერის და ლენტეხის მუნიციპალიტეტების ტერიტორია.“.
2. ამოღებულ იქნეს მე-16 პუნქტი.
მუხლი 2.
ეს ბრძანება ამოქმედდეს 2010 წლის 3 სექტემბრიდან.
ზ. ადეიშვილი