,,საჯარო სამართლის იურიდიული პირის – საქართველოს სტანდარტიზაციის, მეტროლოგიისა და სერტიფიკაციის ეროვნული სააგენტოს (საქსტანდარტის) ლიკვიდაციის ღონისძიებათა შესახებ”

საქართველოს მთავრობის

დადგენილება №123

2005 წლის 4 აგვისტო

ქ. თბილისი

საჯარო სამართლის იურიდიული პირის – საქართველოს სტანდარტიზაციის, მეტროლოგიისა და სერტიფიკაციის ეროვნული სააგენტოს (საქსტანდარტის) ლიკვიდაციის ღონისძიებათა შესახებ

„სტანდარტიზაციის შესახებ“ საქართველოს კანონში ცვლილებების შეტანის თაობაზე“ საქართველოს კანონის შესასრულებლად:

1. ლიკვიდირებულ იქნეს საჯარო სამართლის იურიდიული პირი – საქართველოს სტანდარტიზციის, მეტროლოგიისა და სერტიფიკაციის ეროვნული სააგენტო (საქსტანდარტი).

2. საქართველოს ეკონომიკური განვითარების სამინისტრომ (ი. ჩოგოვაძე) უზრუნველყოს საჯარო სამართლის იურიდიული პირის – საქართველოს სტანდარტიზაციის, მეტროლოგიისა და სერტიფიკაციის ეროვნული სააგენტოს (საქსტანდარტის) ლიკვიდაციასთან დაკავშირებულ კანონმდებლობით გათვალისწინებულ ღონისძიებათა განხორციელება.

3. ძალადაკარგულად გამოცხადდეს საქართველოს მთავრობის 2004 წლის 31 დეკემბრის №122 დადგენილება „საჯარო სამართლის იურიდიული პირის – „საქართველოს სტანდარტიზაციის, მეტროლოგიისა და სერტიფიკაციის ეროვნული სააგენტოს (საქსტანდარტის) დებულების დამტკიცების შესახებ“.

4. დადგენილების პირველი და მე-3 პუნქტები ამოქმედდეს სსიპ სტანდარტების, ტექნიკური რეგლამენტებისა და მეტროლოგიის ეროვნული სააგენტოს დებულების ამოქმედებისთანავე.

5. დადგენილება, გარდა პირველი და მე-3 პუნქტებისა, ამოქმედდეს გამოქვეყნებისთანავე.

პრემიერ-მინისტრი                                                                                          ზ. ნოღაიდელი