სახელმწიფო სარეგისტრაციო კოდი 230.210.000.22.033.014.949
საქართველოს ფინანსთა მინისტრის
ბრძანება №630
2010 წლის 6 აგვისტო
ქ. თბილისი
„საქონლის დათვალიერებისას და სინჯის ან/და ნიმუშის აღებისას განსახორციელებელი საბაჟო პროცედურების შესახებ“ ინსტრუქციის დამტკიცების თაობაზე“ საქართველოს ფინანსთა მინისტრის 2008 წლის 9 იანვრის №9 ბრძანებაში ცვლილებებისა და დამატების შეტანის შესახებ
„ნორმატიული აქტების შესახებ” საქართველოს კანონის მე-20 მუხლის მე-4 პუნქტის შესაბამისად, ვბრძანებ:
მუხლი 1.
„საქონლის დათვალიერებისას და სინჯის ან/და ნიმუშის აღებისას განსახორციელებელი საბაჟო პროცედურების შესახებ” ინსტრუქციის დამტკიცების თაობაზე” საქართველოს ფინანსთა მინისტრის 2008 წლის 9 იანვრის №9 ბრძანებაში (სსმ III, 10.01.2008წ., №3, მუხ. 46) შეტანილ იქნეს შემდეგი ცვლილებები და დამატება:
1. ბრძანების პირველი პუნქტის „დ“ ქვეპუნქტი ამოღებულ იქნეს.
2. ბრძანებით დამტკიცებული “საქონლის დათვალიერებისას და სინჯის ან/და ნიმუშის აღებისას განსახორციელებელი საბაჟო პროცედურების შესახებ“ ინსტრუქციის (დანართი №1) მე-17 მუხლს დემატოს შემდეგი შინაარსის მე-7 პუნქტი:
„7. ამ მუხლის პირველი–მე-6 პუნქტების მოთხოვნები არ ვრცელდება სატვირთო-საბაჟო დეკლარაციის ან სატვირთო-საბაჟო დეკლარაციის ფორმა №4-ის ან სასაქონლო ზედნადების წარდგენით სასაზღვრო საბაჟო ორგანოში დეკლარირებულ საქონელზე, რომლის დათვალიერებაც ხორციელდება სკანირებით ან ვიზუალური დათვალიერებით.“.
3. ბრძანებით დამტკიცებული „საქონლის დათვალიერების უწყებისა და საქონლის დათვალიერების აქტის რეგისტრაციის ჟურნალი“ (დანართი №4) ამოღებულ იქნეს.
მუხლი 2.
ეს ბრძანება ამოქმედდეს გამოქვეყნებიდან მე-15 დღეს.
კ. ბაინდურაშვილი