სახელმწიფო სარეგისტრაციო კოდი 360.160.000.22.022.014.588
საქართველოს განათლებისა და მეცნიერების მინისტრის
ბრძანება №34/ნ
2010 წლის 30 აპრილი
ქ. თბილისი
,,ექსტერნატის ფორმით მიღებული განათლების სერტიფიცირების დებულების დამტკიცების შესახებ“ საქართველოს განათლებისა და მეცნიერების მინისტრის 2010 წლის 5 მარტის №15/ნ ბრძანებაში დამატების შეტანის თაობაზე
,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:
1. ,,ექსტერნატის ფორმით მიღებული განათლების სერტიფიცირების დებულების დამტკიცების შესახებ“ საქართველოს განათლებისა და მეცნიერების მინისტრის 2010 წლის 5 მარტის №15/ნ ბრძანებით (სსმ III, 05.03.2010, №24 მუხ. 369) დამტკიცებული დებულების მე-17 მუხლს დაემატოს შემდეგი შინაარსის მე-7 პუნქტი:
,,7. GHSEP/FLEX-ის პროგრამებით ამერიკის შეერთებულ შტატებში სწავლის პერიოდში გავლილი საგანმანათლებლო პროგრამისგან განსხვავებული, ეროვნული სასწავლო გეგმით დადგენილი სავალდებულო საგნები, მოსწავლემ უნდა დაძლიოს ზოგადსაგანმანათლებლო დაწესებულების მიერ შედგენილი ინდივიდუალური სასწავლო გეგმის შესაბამისად ან ექსტერნატის ფორმით.“
2. ბრძანება ამოქმედდეს გამოქვეყნებისთანავე.
დ. შაშკინი