საჯარო სამართლის იურიდიული პირის – სახელმწიფო სამხედრო სამეცნიერო-ტექნიკურ ცენტრ „დელტას“ მიერ კანონმდებლობით გათვალისწინებული წესით ქონების რეალიზაციის შედეგად ამონაგები თანხის განაწილების წესის დამტკიცების თაობაზე

1. დამტკიცდეს საჯარო სამართლის იურიდიული პირის – სახელმწიფო სამხედრო სამეცნიერო-ტექნიკურ ცენტრ „დელტას“ მიერ კანონმდებლობით გათვალისწინებული წესით ქონების რეალიზაციის შედეგად ამონაგები თანხის განაწილების წესი (დანართი №1).

2. ძალადაკარგულად გამოცხადდეს „საჯარო სამართლის იურიდიული პირის – სახელმწიფო სამეცნიერო-ტექნიკურ ცენტრ „დელტას“ მიერ ზენორმატიული, ვადაგასული (საუტილიზაციო) სამხედრო ტექნიკის (მათ შორის სამხედრო სატრანსპორტო საშუალებების), შეიარაღების, საბრძოლო მასალებისა და სამხედრო სპეცქონების უტილიზაციისა და რეალიზაციის შედეგად ამონაგები თანხის განაწილების წესის დამტკიცების თაობაზე“ საქართველოს თავდაცვის მინისტრის 2008 წლის 5 აგვისტოს №458 ბრძანება.

3. ბრძანება ამოქმედდეს გამოქვეყნებისთანავე.

ბ. ახალაია

ეს წესი განსაზღვრავს საჯარო სამართლის იურიდიული პირის – სახელმწიფო სამხედრო სამეცნიერო-ტექნიკურ ცენტრ „დელტას“ (შემდეგ – დელტა) მიერ უტილიზებული ზენორმატიული, ვადაგასული (საუტილიზაციო) სამხედრო ტექნიკის (მათ შორის სამხედრო სატრანსპორტო საშუალებების), შეიარაღების, წარმოებული პროდუქციის, საბრძოლო მასალებისა და სამხედრო სპეცქონების (შემდეგ – „ქონება“) კანონმდებლობით დადგენილი წესით რეალიზაციის შედეგად ამონაგები თანხის განაწილების წესს.

მუხლი 2

1. საუტილიზაციო, სარეალიზაციო სამუშაოებისა და წარმოების ხარჯების დაფინანსების მიზნით, ქონების კანონმდებლობით დადგენილი წესით რეალიზაციის შედეგად ამონაგები თანხიდან „დელტას“ ანგარიშზე შეიძლება დარჩეს საქართველოს თავდაცვის მინისტრის ინდივიდუალურ-ადმინისტრაციული სამართლებრივი აქტით დამტკიცებულ „დელტას“ წლიურ ხარჯთაღრიცხვაში გათვალისწინებული ოდენობის თანხა.

2. ქონების რეალიზაციის შედეგად ამონაგები თანხიდან ფინანსდება მხოლოდ ქონების უტილიზაცია, რეალიზაცია, სამხედრო და ორმაგი დანიშნულების პროდუქციის წარმოება.

მუხლი 3. (ამოღებულია)

საქართველოს თავდაცვის მინისტრის 2021 წლის 17 მარტის ბრძანება №08 - ვებგვერდი, 18.03.2021წ.

მუხლი 4

1. საანგარიშო კვარტალის მომდევნო თვის 15 რიცხვამდე „დელტა“ საქართველოს თავდაცვის სამინისტროში წარადგენს კვარტალურ ანგარიშს, რომელშიც მიეთითება მონაცემები განვლილ კვარტალში და წლის დასაწყისიდან ქონების რეალიზაციის შედეგად ამონაგები თანხის განაწილების შესახებ (ცხრილი 1).

2. ,,დელტამ“ უზრუნველყოს ბიუჯეტის შემოსულობებში მისამართი თანხის გადახდა კანონმდებლობით დადგენილი წესით.

საქართველოს თავდაცვის მინისტრის 2021 წლის 17 მარტის ბრძანება №08 - ვებგვერდი, 18.03.2021წ.
 

ცხრილი №1

ქონების რეალიზაციის შედეგად ამონაგები თანხის განაწილების გაანგარიშება

200– წლის –– კვარტალის მდგომარეობით