საქართველოს პრეზიდენტის
ბრძანებულება №341
2007 წლის 4 ივნისი
ქ. თბილისი
საქართველოს პრეზიდენტის ზოგიერთი ბრძანებულების ძალადაკარგულად გამოცხადების შესახებ
1. საქართველოს ზოგადი ადმინისტრაციული კოდექსის 61-ე მუხლისა და „ნორმატიული აქტების შესახებ“ საქართველოს კანონის 50-ე მუხლის მე-4 პუნქტის შესაბამისად ძალადაკარგულად გამოცხადდეს:
ა) „საქართველოში სამეცნიერო ხარისხების მინიჭების წესის შესახებ“ დებულებისა და ინსტრუქციის დამტკიცების შესახებ“ საქართველოს პრეზიდენტის 2003 წლის 28 ივნისის №316 ბრძანებულება;
ბ) „საქართველოში სამეცნიერო-პედაგოგიური წოდებების მიკუთვნების წესის შესახებ“ დებულებისა და ინსტრუქციის დამტკიცების თაობაზე“ საქართველოს პრეზიდენტის 2003 წლის 28 ივნისის №318 ბრძანებულება.
2. ბრძანებულება ამოქმედდეს გამოქვეყნებისთანავე.
მ. სააკაშვილი