სახელმწიფო სარეგისტრაციო კოდი 080.080.040.08.002.004
საქართველოს პრეზიდენტის
ბრძანებულება №190
2007 წლის 20 მარტი
ქ. თბილისი
„ადამიანით ვაჭრობის (ტრეფიკინგის) წინააღმდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭოს შემადგენლობისა და დებულების დამტკიცების შესახებ“ საქართველოს პრეზიდენტის 2006 წლის 1 სექტემბრის №534 ბრძანებულებაში ცვლილების შეტანის თაობაზე
1. „ნორმატიული აქტების შესახებ“ საქართველოს კანონის 36-ე მუხლის შესაბამისად „ადამიანით ვაჭრობის (ტრეფიკინგის) წინააღმდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭოს შემადგენლობისა და დებულების დამტკიცების შესახებ“ საქართველოს პრეზიდენტის 2006 წლის 1 სექტემბრის №534 ბრძანებულების (სსმ III, 2006 წ., №119, მუხ. 1611) მე-2 პუნქტი ჩამოყალიბდეს შემდეგი რედაქციით:
„2. ეთხოვოთ საკოორდინაციო საბჭოს მუშაობაში მონაწილეობის მიღება:
ჯოვანა ბარბერისს – გაეროს ბავშვთა ფონდის წარმომადგენელს
იგორ გაონს – საქართველოს ევროპის საბჭოს გენერალური მდივნის საგანგებო წარმომადგენელს
ანდრო გიგაურს – აშშ-ის საერთაშორისო განვითარების სააგენტოს კანონის უზენაესობის პროექტის სპეციალისტს
გრიგოლ გიორგაძეს – საქართველოს სახალხო დამცველის აპარატის გამოძიებისა და მონიტორინგის დეპარტამენტის უფროსს
ია დადუნაშვილს – ეუთოს მისიის წარმომადგენელს საქართველოში, ანტიკორუფციულ ოფიცერს
ზანე ბანდერეს – საქართველოში ევროკომისიის წარმომადგენლობის პროექტის მენეჯერს
ქრისტოფერ სმიტს – აშშ-ის საელჩოს პოლიტიკურ ოფიცერს
ლალი ფაფიაშვილს – საქართველოს პარლამენტის წევრს
მარკ ჰულსტს – საქართველოში მიგრაციის საერთაშორისო ორგანიზაციის ტრეფიკინგის საწინააღ-მდეგო პროგრამის ოფიცერს
ხათუნა ჭითანავას – საქართველოს ახალგაზრდა იურისტთა ასოციაციის წარმომადგენელს
ქეთევან ჭელიძეს – არასამთავრობო ორგანიზაცია „თანადგომის“ ასოციაციის გამგეობის თავმჯდომარეს.
2. ბრძანებულება ამოქმედდეს გამოქვეყნებისთანავე.
მ. სააკაშვილი