„შეიარაღების, სამხედრო ტექნიკისა და ორმაგი დანიშნულების პროდუქციის საექსპორტო და საიმპორტო კონტროლის შესახებ“ საქართველოს კანონში ცვლილების შეტანის თაობაზე

ა) მე-5 პუნქტი ჩამოყალიბდეს შემდეგი რედაქციით:

„5. ამ კანონის მე-6 მუხლის „ბ“ ქვეპუნქტის შესაბამისად განსაზღვრული სტრატეგიული დანიშნულების პროდუქციისა და „ვ“ ქვეპუნქტის შესაბამისად დამტკიცებულ ნუსხაში ვარსკვლავით აღნიშნული ორმაგი დანიშნულების პროდუქციის ექსპორტის, ტრანზიტის ან რეექსპორტის შემთხვევაში ნებართვის მისაღებად ამ მუხლის მე-4 პუნქტით გათვალისწინებულ დოკუმენტაციასთან ერთად ნებართვის მაძიებელმა უნდა წარადგინოს უფლებამოსილი ორგანოს მიერ გაცემული საბოლოო მომხმარებლის სერტიფიკატი, გარდა იმ შემთხვევისა, როდესაც ეს პროდუქცია ექსპორტიორს იმავე ქვეყანაში უბრუნდება, საიდანაც  საქართველოში მისი ექსპორტი განხორციელდა.“;

ბ) მე-5 პუნქტის შემდეგ დაემატოს შემდეგი შინაარსის 5¹ პუნქტი:

„5¹. ამ მუხლის მე-5 პუნქტით გათვალისწინებული საბოლოო მომხმარებლის სერტიფიკატი უნდა შეიცავდეს:

ა) მიმღები ქვეყნის ვალდებულებას ექსპორტიორი ქვეყნის თანხმობის გარეშე მესამე ქვეყნისათვის პროდუქციის გადაცემის დაუშვებლობის შესახებ, გარდა ამ პროდუქციის საქართველოში ტრანზიტის შემთხვევისა;

ბ) მიმღები ქვეყნის ვალდებულებას თავის ტერიტორიაზე ორმაგი დანიშნულების პროდუქციის მხოლოდ მშვიდობიანი მიზნით გამოყენების შესახებ.“.

მუხლი 2. ეს კანონი ამოქმედდეს გამოქვეყნებისთანავე.