„სამეწარმეო საქმიანობის ლიცენზიისა და ნებართვის გაცემის საფუძვლების შესახებ“ საქართველოს კანონში დამატებების შეტანის თაობაზე

„სამეწარმეო საქმიანობის ლიცენზიისა და ნებართვის გაცემის საფუძვლების შესახებ“ საქართველოს კანონში დამატებების შეტანის თაობაზე

საქართველოს კანონი

„სამეწარმეო საქმიანობის ლიცენზიისა და ნებართვის გაცემის საფუძვლების შესახებ“ საქართველოს კანონში დამატებების შეტანის თაობაზე

მუხლი 1. „სამეწარმეო საქმიანობის ლიცენზიისა და ნებართვის გაცემის საფუძვლების შესახებ“ საქართველოს კანონში (საქართველოს საკანონმდებლო მაცნე, №15, 3.06.2002, მუხ.61) შეტანილ იქნეს შემდეგი დამატებები:

1. მე-6 მუხლს დაემატოს შემდეგი შინაარსის „ც“, „ძ“ და „წ“ ქვეპუნქტები:

„ც) აგროქიმიურ, ნიადაგის დაცვისა და აგროქიმიკატების ხარისხის განსაზღვრის სფეროში ლაბორატორიული საქმიანობა – საქართველოს სოფლის მეურნეობისა და სურსათის სამინისტრო;

ძ) სამყნობი, სათესლე და სარგავი მასალების წარმოება, აგრეთვე მეცხოველეობის სფეროში სანაშენე საქმიანობა – საქართველოს სოფლის მეურნეობისა და სურსათის სამინისტრო;

წ) წყლის, მათ შორის, მინერალური წყლის სასაქონლო პროდუქციის წარმოება – საქართველოს სოფლის მეურნეობისა და სურსათის სამინისტრო.“.

2. მე-19 მუხლის პირველი პუნქტის „ო“ ქვეპუნქტის „ო.ზ“ ქვეპუნქტს სიტყვის „ცხოველური“ შემდეგ დაემატოს სიტყვები „და მცენარეული“.

მუხლი 2. ეს კანონი ამოქმედდეს გამოქვეყნებიდან მე-15 დღეს.

საქართველოს პრეზიდენტი ე. შევარდნაძე

თბილისი,

2002 წლის 19 ივნისი.

№1521–IIს