„ერთიანი სახელმწიფო საგანმანათლებლო დოკუმენტებისა და სერტიფიკატების ფორმების დამტკიცების შესახებ” საქართველოს განათლებისა და მეცნიერების მინისტრის 2005 წლის 2 ივნისის №269 ბრძანებაში ცვლილების შეტანის შესახებ

ა) პირველი მუხლის მე-2 პუნქტის ,,ე“ ქვეპუნქტი ჩამოყალიბდეს შემდეგი რედაქციით:

,,ე) საგანმანათლებლო დაწესებულების სრულ იურიდიულ დასახელებას (ქართულად და ინგლისურად) ზოგადი განათლების საბაზო და საშუალო საფეხურის დასრულების წელს  არსებული მდგომარეობით;“;

ბ) პირველ მუხლს დაემატოს შემდეგი შინაარსის მე-3 პუნქტი:

,,3. საბაზო და სრული ზოგადი განათლების დამადასტურებელი დოკუმენტის − ატესტატის დუბლიკატი ამ მუხლის მე-2 პუნქტის ,,ა“-,,ვ“ ქვეპუნქტებით გათვალისწინებული მონაცემებიდან უნდა შეიცავდეს მხოლოდ იმ მონაცემებს, რომლებსაც ითვალისწინებდა ზოგადსაგანმანათლებლო პროგრამის დასრულების წელს დამტკიცებული საბაზო და სრული ზოგადი განათლების დამადასტურებელი დოკუმენტის − ატესტატის ფორმა.“.