საქართველოს ეკონომიკისა და მდგრადი განვითარების სამინისტროს ცენტრალურ აპარატში პრაქტიკის გავლის წესი

საქართველოს ეკონომიკისა და მდგრადი განვითარების მინისტრის

ბრძანება №1-1/50 5

2011 წლის 6 აპრილი

ქ. თბილისი

საქართველოს ეკონომიკისა და მდგრადი განვითარების სამინისტროს ცენტრალურ აპარატში პრაქტიკის გავლის წესის დამტკიცების შესახებ

„ საქართველოს ეკონომიკისა და მდგრადი განვითარების სამინისტროს დებულების დამტკიცების შესახებ” საქართველოს მთავრობის 2004 წლის 10 სექტემბრის № 77 დადგენილებით დამტკიცებული საქართველოს ეკონომიკისა და მდგრადი განვითარების სამინისტროს დებულების მე-8 მუხლის მე-3 პუნქტის ”ს” ქვეპუნქტის შესაბამისად, ვბრძანებ:

1. დამტკიცდეს საქართველოს ეკონომიკისა და მდგრადი განვითარების სამინისტროს ცენტრალურ აპარატში პრაქტიკის გავლის თანდართული წესი.

2. ბრძანება ამოქმედდეს გამოქვეყნებისთანავე.

მინისტრის პირველი მოადგილე ა. კეკელია

შეტანილი ცვლილებები:

1. ძალადაკარგულია - საქართველოს ეკონომიკისა და მდგრადი განვითარების მინისტრის 2012 წლის 27 აპრილის ბრძანება №1-1/1073 - ვებგვერდი, 30.04.2012 წ.

თავი I

ზოგადი დებულებები

მუხლი 1

ეს წესი განსაზღვრავს საქართველოს ეკონომიკისა და მდგრადი განვითარების სამინისტროს ცენტრალურ აპარატში (შემდგომში – სამინისტრო) პრაქტიკის გავლის წესსა და პირობებს.

მუხლი 2

მაღალკვალიფიციური კადრების მომზადების, მათი პროფესიული და პრაქტიკული უნარ-ჩვევების გამომუშავებისა და სრულყოფის მიზნით, სამინისტრო უქმნის პრაქტიკანტებს დამოუკიდებელი მუშაობისა და შემოქმედებითი ინიციატივის გამოვლენისათვის საჭირო პირობებ სა და შესაძლებლობას.

მუხლი 3

ამ წესში გამოყენებულ ტერმინებს აქვს შემდეგი მნიშვნელობა:

ა) პრაქტიკა – სამინისტროს ცენტრალურ აპარატში ამ წესით რეგულირებადი, აუნაზღაურებელი საქმიანობა;

ბ) კანდიდატი – პირი, რომელსაც ამ წესის შესაბამისად სამინისტროში შემოტანილი აქვს განაცხადი პრაქტიკის გავლის შესახებ და ამ წესით დადგენილი დოკუმენტები;

გ) პრაქტიკანტი – პირი, რომელიც ამ წესის საფუძველზე გადის პრაქტიკას.

თავი II

პრაქტიკანტის სტატუსი

მუხლი 4

პრაქტიკანტად მიიღება უმაღლესი საგანმანათლებლო დაწესებულების სტუდენტი.

მუხლი 5

გადაწყვეტილებას კანდიდატის პრაქტიკანტად დანიშვნის შესახებ იღებს საქართველოს ეკონომიკისა და მდგრადი განვითარების მინისტრი (შემდგომში – მინისტრი) სამინისტროს ადმინისტრაციის ადამიანური რესურსების მართვის დეპარტამენტის (შემდგომში – დეპარტამენტი) წარდგინების საფუძველზე.

მუხლი 6

კანდიდატმა სამინისტროში უნდა წარმოადგინოს შევსებული განაცხადის ფორმა (დანართი № 1) და შემდეგი საბუთები:

ა) პირადობის დამადასტურებელი მოწმობის ასლი;

ბ) ცნობა-დახასიათება უმაღლესი საგანმანათლებლო დაწესებულებიდან;

გ) სტუდენტის აკადემიური მოსწრების წიგნაკის ასლი ან/და ცნობა აკადემიური მ იღწევის შესახებ;

დ) ერთი ფოტოსურათი (3x4).

მუხლი 7

პრაქტიკის ვადა განისაზღვრება არა უმეტეს 6 თვისა.

მუხლი 8

პრაქტიკანტთა რაოდენობა სამინისტროს სტუქტურულ ქვედანაყოფში არ უნდა აღემატებოდეს ამ სტრუქტურულ ქვედანაყოფში შტატით გათვალისწინებულ მოსამსახურეთა საერთო რაოდენობის 1/3-ს.

თავი III

პრაქტიკანტის უფლება-მოვალეობები

მუხლი 9

პრაქტიკანტს უფლება აქვს:

ა)დეპარტამენტისგან მიიღოს აუცილებელი კონსულტაციები მუშაობის ორგანიზების შესახებ;

ბ) ჰქონდეს სათანადო პირობები მასზე დაკისრებული დავალებების შესასრულებლად;

გ) სამინისტროს შესაბამისი სტრუქტურული ქვედანაყოფის უფროსის თანხმობით გაეცნოს სამსახურებრივ დოკუმენტაციას, ისარგებლოს სათანადო ინფორმაციით;

დ) გაეცნოს სამინისტროს შესაბამისი სტრუქტურული ქვედანაყოფის მუშაობის სპეციფიკას, იმ საკითხების მომზადებასა და სათანადო დოკუმენტების შედგენას, რომელიც ამ სტრუქტურული ქვედანაყოფის საქმიანობის სფეროს მიეკუთვნება.

მუხლი 10

პრაქტიკანტი მოვალეა:

ა) გაეცნოს და იხელმძღვანელოს სამინისტროს საქმიანობის მარეგულირებელი დოკუმენტაციით;

ბ) დადგენილ ვადებში შეასრულოს ყველა ის დავალება, რომელიც მას დაეკისრება სამინისტროს იმ სტრუქტურული ქვედანაყოფის უფროსის ან უშუალო ხელმძღვანელის მიერ, სადაც იგი გადის პრაქტიკას ;

გ) დროულად გამოცხადდეს პრაქტიკის გავლის ადგილას და არასაპატიო მიზეზით არ გააცდინოს პრაქტიკა, ხოლო საპატიო მიზეზის არსებობისას ამის შესახებ დროულად აცნობოს უშუალო ხელმძღვანელს .

თავი IV

სამინისტროს უფლება-მოვალეობანი

მუხლი 11

1. სამინისტრო პრაქტიკანტს უქმნის სათანადო პირობებს და გარემოს პროფესიული უნარ - ჩვევების გამოსამუშავებლად და პრაქტიკული გამოცდილების შესაძენად.

2. სამინისტროს სტრუქტურული ქვედანაყოფის უფროსი პრაქტიკანტს აძლევს დავალებებს და აკონტროლებს მათ შესრულებას .

3. სამინისტრო ს სტრუქტურული ერთეულის უფროსი პრაქტიკის დასრულების შემდეგ აძლევს პრაქტიკანტს ცნობა -დახასიათებას პრაქტიკის გავლის შესახებ .

4. სამინისტრო აძლევს პრაქტიკანტს მოწმობას (დანართი №2) პრაქტიკის გავლის შესახებ .

თავი V

პრაქტიკის გავლის სხვა პირობები

მუხლი 12

1. პრაქტიკის შეწყვეტის საფუძველია:

ა) პრაქტიკის გავლის პერიოდში არასაპატიო მიზეზით 5 სამუშაო დღის განმავლობაში შესაბამის სტრუქტურულ ქვედანაყოფში გამოუცხადებლობა;

ბ) დავალების შეუსრულებლობა ან არაჯეროვანი შესრულება;

გ) პირადი განცხადება;

დ) ამ წესის მე-13 მუხლით გათვალისწინებული შემთხვევა.

2. პრაქტიკის შეწყვეტის გადაწყვეტილებას იღებს მინისტრი დეპარტამენტის წინადადებით.

მუხლი 13

კანონმდებლობით დადგენილი წესი ს შესაბამისად, პრაქტიკანტის სამინისტროს სტრუქტურულ ქვედანაყოფში დანიშ ვ ნ ის ა ს მას პრაქტიკა ჩაეთვლება გავლილად და ეძლევა შესაბამისი მოწმობა .

დანართი № 1

საქართველოს ეკონომიკისა და მდგრადი განვითარების სამინისტრო

განაცხადი პრაქტიკის გავლაზე

1. სახელი, გვარი ----------------------------------------------------------------------------

2. დაბადების თარიღი ---------------------------------------------------------------------

3. უმაღლესი სასწავლებელი ---------------------------------------------------------------

4. ფაკულტეტი, სპეციალობა ---------------------------------------------------------------

5. რომელი უცხო ენები იცით ?

ა)----------------------------- ---- ბ)-----------------------------------

გ)---------------------------------- დ)------------------------------------

რომელ კომპიუტერულ პროგრამებს ფლობთ?

ა) ---------------------------------- ბ) -------------------------------------

გ)---------------------------------- დ) -------------------------------------

7. რომელი სასწავლო კურსები გაქვთ გავლილი? სტუდენტურ გაცვლით პროგრამებში თუ მიგიღიათ მონაწილეობა? რომელ კონფერენციებში მონაწილეობდით?

------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

8. სამინისტროს რომელ სტრუქტურულ ქვედანაყოფში გსურთ პრაქტიკის გავლა?

(მიუთითეთ ერთი ქვედანაყოფი)

----------------------------------------------------------------------------------------------------

9. საცხოვრებელი ადგილის მისამართი -----------------------------------------------------------------------------------------------------------------------------------------------------------------

10. საკონტაქტო ტელეფონი -------------------------------------------------------------------------

11. ელექტრონული ფოსტის მისამართი -----------------------------------------------------------

12. ანკეტის შევსების თარიღი -----------------------------------------------------------------------

13. შემვსები პირის ხელმოწერა ---------------------------------------------------------------------

დანართი №2

საქართველოს ეკონომიკისა და მდგრადი განვითარების სამინისტრო

პრაქტიკის გავლის დამადასტურებელი

მ ო წ მ ო ბ ა

გადაეცა

––––––––––––––––––––––––––––––––––––––––––

(სახელი, გვარი)

მასზე, რომ მან 20 წლის „ „ ––––– დან 20 წლის „ „ –––––––– მდე

გაიარა პრაქტიკა

––––––––––––––––––––––––––––––––––––––––––––––––––––––

(სამინისტროს სტრუქტურული ქვედანაყოფი)

თარიღი „ „ ––––––––– 20 წ.

––––––––––––––––––– –––––––––––––––––––––––

უფლებამოსილი თანამდებობის პირების ხელმოწერა

მოწმობა გაიცა „საქართველოს ეკონომიკისა და მდგრადი განვითარების სამინისტროს ცენტრალურ აპარატში პრაქტიკის გავლის წესის დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის № ––––– ბრძანების შესაბამისად