საქართველოს პრეზიდენტის
ბრძანებულება №31
2007 წლის 15 იანვარი
ქ. თბილისი
„საქართველოს სამხედრო ძალების საჯარისო სადისციპლინო წესდების დამტკიცების შესახებ“ საქართველოს პრეზიდენტის 2006 წლის 10 თებერვლის №111 ბრძანებულებაში ცვლილების შეტანის თაობაზე
მუხლი 1. „ნორმატიული აქტების შესახებ“ საქართველოს კანონის 36-ე მუხლის და 47-ე მუხლის პირველი პუნქტის შესაბამისად „საქართველოს სამხედრო ძალების საჯარისო სადისციპლინო წესდების დამტკიცების შესახებ“ საქართველოს პრეზიდენტის 2006 წლის 10 თებერვლის №111 ბრძანებულებაში (სსმ III, 2006 წ., №19, მუხ. 223) შეტანილ იქნეს ცვლილება და ბრძანებულების 31 მუხლი ჩამოყალიბდეს შემდეგი რედაქციით:
„31. საქართველოს სამხედრო ძალების საჯარისო სადისციპლინო წესდება, მე-16 და მე-17 მუხლების მეორე პუნქტების გარდა, საქართველოს შინაგან საქმეთა სამინისტროს სისტემაში გავრცელდეს მხოლოდ საქართველოს შინაგან საქმეთა სამინისტროს ვადიან სამხედრო მოსამსახურეებზე.“.
მუხლი 2. ბრძანებულება ამოქმედდეს 2006 წლის 30 დეკემბრიდან.
მ. სააკაშვილი