საქართველოს პრეზიდენტის
ბრძანებულება №275
2006 წლის 21 აპრილი
ქ. თბილისი
„საქართველოს სამხედრო ძალების საჯარისო სადისციპლინო წესდების დამტკიცების შესახებ“ საქართველოს პრეზიდენტის 2006 წლის 10 თებერვლის №111 ბრძანებულებაში ცვლილებისა და დამატების შეტანის თაობაზე
„ნორმატიული აქტების შესახებ“ საქართველოს კანონის 36-ე მუხლის პირველი პუნქტის შესაბამისად „საქართველოს სამხედრო ძალების საჯარისო სადისციპლინო წესდების დამტკიცების შესახებ“ საქართველოს პრეზიდენტის 2006 წლის 10 თებერვლის №111 ბრძანებულებაში შეტანილ იქნეს შემდეგი ცვლილება:
ა) ბრძანებულების მე-3 პუნქტი ჩამოყალიბდეს შემდეგი რედაქციით:
„3. ამ ბრძანებულების ამოქმედებიდან ერთ თვეში საქართველოს თავდაცვის მინისტრმა და საქართველოს შინაგან საქმეთა მინისტრმა თავიანთი კომპეტენციის ფარგლებში უზრუნველყონ შემდეგი ბრძანებების გამოცემა:
ა) საქართველოს თავდაცვის სამინისტროს სისტემაში ადმინისტრაციული პატიმრობის ადგილების (ჰაუპტვახტის) ფუნქციონირების შესახებ ინსტრუქციის დამტკიცების თაობაზე;
ბ) საქართველოს სამხედრო ძალების საჯარისო სადისციპლინო წესდების დამტკიცების შესახებ საქართველოს პრეზიდენტის ბრძანებულებით გათვალისწინებული, ოქმებისა და დისციპლინური საქმის წარმოებისათვის სხვა საჭირო დოკუმენტების ნიმუშების დამტკიცების თაობაზე;
გ) საქართველოს შინაგან საქმეთა სამინისტროს სისტემაში ადმინისტრაციული პატიმრობის ადგილების (ჰაუპტვახტის) ფუნქციონირების შესახებ ინსტრუქციის დამტკიცების თაობაზე.“;
ბ) ბრძანებულებას დაემატოს შემდეგი შინაარსის 31 პუნქტი:
„31. საქართველოს სამხედრო ძალების საჯარისო სადისციპლინო წესდება საქართველოს შინაგან საქმეთა სამინისტროს სისტემაში გავრცელდეს მხოლოდ საქართველოს შინაგან საქმეთა სამინისტროს ვადიან სამხედრო მოსამსახურეებზე.“.
მ. სააკაშვილი