სახელმწიფო სარეგისტრაციო კოდი 270.090.000.08.002.003
საქართველოს პრეზიდენტის
ბრძანებულება №258
2006 წლის 9 აპრილი
ქ. თბილისი
„ავტონომიური რესპუბლიკების ხელისუფლების, ადგილობრივი თვითმმართველობისა და მმართველობის ორგანოების საჯარო მოსამსახურეთა შრომის ანაზღაურების მოწესრიგების შესახებ“ საქართველოს პრეზიდენტის 2005 წლის 29 აგვისტოს №726 ბრძანებულებაში ცვლილებების შეტანის თაობაზე
„ნორმატიული აქტების შესახებ“ საქართველოს კანონის 36-ე მუხლის შესაბამისად „ავტონომიური რესპუბლიკების ხელისუფლების, ადგილობრივი თვითმმართველობისა და მმართველობის ორგანოების საჯარო მოსამსახურეთა შრომის ანაზღაურების მოწესრიგების შესახებ“ საქართველოს პრეზიდენტის 2005 წლის 29 აგვისტოს №726 ბრძანებულებაში (სსმ III, 2005 წ., №104, მუხ. 1155) შეტანილ იქნეს ცვლილებები და ბრძანებულების მე-2 პუნქტის „ა“ ქვეპუნქტით დამტკიცებული დანართი №1 ჩამოყალიბდეს შემდეგი რედაქციით:
„დანართი №1
ავტონომიური რესპუბლიკების ხელისუფლების ორგანოების საჯარო მოსამსახურეთა თანამდებობრივი სარგოების ზედა ზღვარი
| № | თანამდებობათა დასახელება | თანამდებობრივი სარგოს ზედა ზღვარი (ლარობით) |
| 1 | მთავრობის თავმჯდომარე | 2800 |
| 2 | უმაღლესი საბჭოს თავმჯდომარე | 2300 |
| 3 | მთავრობის თავმჯდომარის მოადგილე | 2200 |
| 4 | მთავრობის წევრი (მინისტრი) | 2000 |
| 5 | უმაღლესი საბჭოს თავმჯდომარის მოადგილე, უმაღლესი საბჭოს კომიტეტის (ფრაქციის) თავმჯდომარე | 1800 |
| 6 | უმაღლესი საბჭოს კომიტეტის (ფრაქციის) თავმჯდომარის მოადგილე, მინისტრის პირველი მოადგილე, მთავრობის აპარატის უფროსი | 1650 |
| 7 | უმაღლესი საბჭოს წევრი (დეპუტატი), მინისტრის მოადგილე | 1500 |
| 8 | სხვა მთავარი საჯარო თანამდებობის პირი | 1350 |
| 9 | წამყვანი საჯარო თანამდებობის პირი | 1000 |
| 10 | უფროსი საჯარო თანამდებობის პირი | 700 |
| 11 | უმცროსი საჯარო თანამდებობის პირი | 400 |
მ. სააკაშვილი