საქართველოს მთავრობის
დადგენილება №122
2006 წლის 28 ივნისი
ქ. თბილისი
,,სახელმწიფო სასწავლო გრანტის საფასურის რაოდენობის განსაზღვრის შესახებ“ საქართველოს მთავრობის 2005 წლის 25 იანვრის №13 დადგენილებაში ცვლილებების შეტანის თაობაზე
1. ,,ნორმატიული აქტების შესახებ“ საქართველოს კანონის 36-ე მუხლის, ,,საქართველოს ზოგადი ადმინისტრაციული კოდექსის“ 63-ე მუხლის, ,,უმაღლესი განათლების შესახებ“ საქართველოს კანონის 88-ე მუხლის მე-6 და მე-8 პუნქტების საფუძველზე, ,,სახელმწიფო სასწავლო გრანტის საფასურის რაოდენობის განსაზღვრის შესახებ“ საქართველოს მთავრობის 2005 წლის 25 იანვრის №13 დადგენილებაში შეტანილ იქნეს შემდეგი ცვლილებები:
ა) დადგენილების პირველი პუნქტი ჩამოყალიბდეს შემდეგი რედაქციით:
,,1. სტუდენტებს, რომლებიც 2005-2006 სასწავლო წელს ერთიანი ეროვნული გამოცდების შედეგად ჩაირიცხნენ აკრედიტებულ უმაღლეს საგანმანათლებლო დაწესებულებაში და მოიპოვეს სახელმწიფო სასწავლო გრანტი, განესაზღვროთ სახელმწიფო სასწავლო გრანტის წლიური საფასურის მაქსიმალური, საშუალო და მინიმალური რაოდენობა შემდეგნაირად:
ა) მაქსიმალური რაოდენობა – 1500 ლარი;
ბ) საშუალო რაოდენობა – 1250 ლარი;
გ) მინიმალური რაოდენობა – 1000 ლარი.“;
ბ) ამოღებულ იქნეს დებულების მე-2 და მე-3 პუნქტები.
2. დადგენილება ამოქმედდეს გამოქვეყნებისთანავე.
პრემიერ-მინისტრი ზ. ნოღაიდელი